Затрыманне за раздачу «Народнай волі»
3
19:26, — Палітыка
У Брэсце міліцыя затрымала грамадскіх актывістаў, што раздавалі мінакам апошні нумар недзяржаўнай газеты «Народная воля».
Як распавёў БАЖ адзін з затрыманых Андрэй Шарэнда, ён разам з калегам Юрасём Бакурам распаўсюджваў чарговы нумар «Народнай волі» каля гандлёвага цэнтру «Кірмаш» у цэнтры Брэста.
Да іх некалькі разоў падыходзіў міліцэйскі патруль – міліцыянты назіралі за распаўсюдам выдання і ўзялі адзін асобнік газеты, а праз некаторы час выклікалі патрульны аўтамабіль. Каля 15.00 машына прыехала, і маладых людзей адвезлі ў Ленінскі РАУС для высвятлення асобаў.
Па словах А. Шарэнды, да гэтага часу ўсе асобнікі «Народнай волі» — каля 1000 штук – былі ўжо раздадзеныя.
У міліцыі ў хлопцаў перапісалі пашпартныя дадзеныя і праз 40 хвілін адпусцілі без складання пратаколу.
