МЗС: Інфармацыя аб гібелі беларускі ў авіякатастрофе ў Пярмі не пацвердзілася
18:17, — Здарэнне
Сярод пасажыраў самалёта "Боінг 737", які разбіўся ў нядзелю ў Пярмі, грамадзян Беларусі не было, заявіў агенцтву "Інтэрфакс-Захад" прэс-сакратар МЗС Беларусі Андрэй Папоў са спасылкай на інфармацыю МНС Расеі.
"Па звестках кантактных асоб у МНС РФ, грамадзян Беларусі на борце самалёта, які разбіўся, не было", заявіў А.Папоў. "Такім чынам, інфармацыя, распаўсюджваная некаторымі СМІ, не адпавядае рэчаіснасці", падкрэсліў А.Папоў.
Нагадаем, што спачатку з'явілася інфармацыя аб тым, што на борце "Боінга" знаходзілася грамадзянка Беларусі Юлія Максіменка, 1983 г.н., якая пражывае ў цяперашні час у Празе. У той жа час агенцтву "Інтэрфакс-Захад" у штабе авіякатастрофы ў Пярмі паведамілі, што сярод загінулых лічыцца грамадзянка Расеі Юлія Максіменка, 1981 г.н., якая пражывае ў Пярмі.
