У Грузіі музей Сталіна пераробяць у Музей расейскай агрэсіі

У Грузіі будзе створаны Музей расейскай агрэсіі. Аб гэтым на паседжанні парламенцкага камітэта па адукацыі і навуцы заявіў міністр культуры, спорту і аховы помнікаў Нікалаз Вачэішвілі.

Паводле яго словаў, у такі музей будзе перароблены Дом-музей Сталіна ў горадзе Горы, паведамляе "Грузия-Online".

Для ўдзелу ў адпаведных працах запрошаныя літоўскія і польскія спецыялісты, якія маюць добры досвед у стварэнні такіх музеяў. "Гэта будзе музей сучасных стандартаў", - адзначыў міністр.

Нагадаем, што расейскі бок ужо падаў ў музее сваё бачанне грузіна-асяцінскага канфлікту. Трафеі, захопленыя падчас аперацыі па прымусу Грузіі да міру, сталі з 9 жніўня экспанатамі пастаянна дзеючай выставы, якая адкрылася ў Цэнтральным музеі Ўзброеных сілаў Расеі. Ён знаходзіцца на вуліцы Савецкай Арміі ў Маскве.