Апазіцыйныя партыі: Датэрміновае галасаванне выкарыстоўваюць для фальсіфікацыі «выбараў»
1
9:00, — Палітыка
Улады выкарыстоўваюць датэрміновае галасаванне як адзін з асноўных спосабаў фальсіфікацыі «выбараў». Аб гэтым было заяўлена на паседжанні прэзідыўма палітрады апазіцыйных палітычных партыяў, якое адбылося 24 верасня ў штаб-кватэры Аб'яднанай грамадзянскай партыі.
Падчас паседжання былі агучаныя "канкрэтныя факты выкарыстання адміністрацыйнага рэсурсу для забеспячэння "патрэбных вынікаў" выбараў", гаворыцца ў паведамленні інфармацыйнага цэнтра АДС.
У прыватнасці, у менскай Шабаноўскай выбарчай акрузе № 91, дзе балатуецца кандыдат ад АДС Аляксандр Бухвостаў, "мясцовымі ўладамі быў праведзены сход чальцоў участковых камісіяў з удзелам дырэктараў школаў, дзіцячых садоў і прадпрыемстваў, на якім да іх было даведзенае заданне правесці "тлумачальную працу" з працаўнікамі з тым, каб падчас галасавання яны падтрымалі кандыдата ад улады, дзейснага дэпутата «палаты прадстаўнікоў» Галіну Юргялевіч".
У Старавіленскай выбарчай акрузе № 105, дзе кандыдатам з'яўляецца Анатоль Лябедзька, "зафіксаваная спроба выдаліць з выбарчага ўчастку незалежнага назіральніка Віталя Стажарава, які паспрабаваў сфатаграфаваць апячатаную скрыню для галасавання".
"Самы абуральны факт" быў выкрыты ў Коласаўскай выбарчай акрузе № 106, дзе балатуецца Сяргей Калякін. У першы дзень датэрміновага галасавання на 528-м выбарчым участку яўка выбаршчыкаў склала 39%. Падобная сітуацыя была зафіксаваная і на 526-м участку. Абодва яны размешчаныя ў інтэрнатах Беларускага дзяржаўнага палітэхнічнага ўніверсітэта, а асноўныя іх выбаршчыкі — студэнты.
"Усе вышэйпералічаныя факты будуць даведзеныя да міжнародных назіральнікаў. Акрамя таго, прэзідыўм палітрады АДС рыхтуе спецыяльную заяву ў сувязі з паўсюдным выкарыстаннем уладамі адміністрацыйнага рэсурсу для забеспячэння патрэбнага адсотка яўкі падчас датэрміновага галасавання", — гаворыцца ў паведамленні.
Навіны
па тэме
- Тацяна Севярынец: «Шмат людзей мне кажа – на «выбары» гэтыя не пойдзем!»
- Лукашенко боится студентов Института физкультуры?
- «Ліпавыя» скрыні ці беларускі LEGO (Фота)
- Звесткі аб колькасці выбаршчыкаў і бюлетэнях атрымаць немагчыма
- Скрыня для датэрміновага галасавання апячатаная толькі зверху, а знізу яна лёгка адкручваецца
- Сяргей Калякін: «Але нам трэба прад'явіць людзям доказы фальсіфікацыяў»
