Прадпрымальнікі пратэстуюць супраць прывязкі арэнды і падаткаў да еўра
26
16:20, — Грамадства
Індывідуальныя прадпрымальнікі Беларусі збіраюць подпісы супраць прывязкі стаўкі арэнднай платы і падаткаў да еўра.
Аб гэтым паведаміў БелаПАН старшыня аргкамітэта па стварэнні грамадскай арганізацыі «За свабоднае развіццё прадпрымальніцтва» Віктар Гарбачоў.
Ён нагадаў, што ў Беларусі стаўкі арэнднай платы, мінімальныя памеры статутных фондаў камерцыйных арганізацый і стаўкі адзінага падатку для індывідуальных прадпрымальнікаў усталяваныя ў еўра.
«Рэзкае абясцэньванне беларускага рубля прывяло да павелічэння выдаткаў ІП у два разы. Людзі шакаваныя, яны закрываюць свае кропкі, каб абдумаць, што ім далей рабіць», — заявіў адзін з лідэраў прадпрымальніцкага руху.
Па словах Віктара Гарбачова, ураду неабходна «тэрмінова прымаць меры — адмяняць прывязку ўсіх выплат ІП да еўра».
«Калі я прыходжу ва ўнівермаг, я купляю тэлевізар на беларускія рублі. Чаму жа арэндная плата ўсталяваная ў еўра? Атрымліваецца, што ўрад мэтанакіравана знішчае беларускі рубель», — сказаў ён.
Віктар Гарбачоў лічыць, што прывязка да еўра можа прывесці да таго, што з прадпрымальніцкай дзейнасці хуткім часам выйдуць 10—20% ІП.
«А да канца года яшчэ 20% прадпрымальнікаў спыняць сваю дзейнасць і сыйдуць у ценявы бізнэс або перавядуць яго ў Расею. З аднаго боку мы кажам аб лібералізацыі эканомікі, аб свабодным развіцці прадпрымальніцтва, а з іншай — мэтанакіравана знішчаем яго», - сказаў ён.
Напісаць каментар (26)
Навіны
па тэме
- Леонид Злотников: «Беларусь подвергнется рецессии больше, чем другие страны»
- «Палаточники» разрабатывают закон о валютном регулировании
- Балыкин: «Все было сделано предельно цинично. От одномоментной девальвации пострадают многие»
- Аляксандр Макаеў: Акцыя пратэсту прадпрымальнікаў 12 студзеня абавязкова адбудзецца
