Дзень беларускай салідарнасці ў Вашынгтоне
13:45, — Палітыка
Беларускі «Свабодны тэатр» выступіць у вашынгтонскім Цэнтры выканальніцкіх мастацтваў са спектаклем, заснаваным на рэальнай гісторыі Ірыны Красоўскай, чый муж быў выкрадзены і забіты ў Беларусі.
Паказ спектакля «Спасцігаючы каханне» прымеркаваны да дзесятай гадавіны знікнення ў Беларусі віцэ-спікера Вярхоўнага Савета Беларусі Віктара Ганчара і бізнэсмэна, грамадскага дзеяча Анатоля Красоўскага.
Пасля прэм'еры ў Вашынгтоне спектакля «Спасцігаючы каханне» пройдзе прыём у памяць пра зніклых у Беларусі апазіцыянераў, арганізаваны Ірынай Красоўскай. Удава зніклага грамадскага дзеяча заснавала грамадзянскую ініцыятыву «Мы памятаем», якая распаўсюджвае інфармацыю пра палітычна матываваныя знікненні беларускіх грамадзянаў і інфармуе сусветную супольнасць пра сітуацыю ў Беларусі.
Напярэдадні, 15 верасня, беларускі «Свабодны тэатр» паказаў у сталіцы ЗША спектакль «Пакаленне Jeans» -- аўтабіяграфічны маналог барацьбіта за свабоду, які распавядае пра сваё станаўленне ў асяроддзі контркультуры, што лічыла джынсы і заходнюю музыку знакамі свабоды. Спектакль прайшоў з вялікім поспехам.
Навіны
па тэме
- Каля рэзідэнцыі прэзідэнта і парламента Літвы пратэстуюць супраць прыезду Лукашэнкі (Фота, абноўлена)
- Лукашэнка: Ніякім апазіцыянерам Ганчар не быў
- У Эйндховене - акцыя памяці зніклых беларусаў
Экспарт
