Джэймс Кэмеран назваў дату прэм'еры стэрэаскапічнага «Тытаніка»
4
11:34, — Культура
Карціна выйдзе на экраны ўвесну 2012 года, калі свет будзе адзначаць стагоддзе самай вядомай марской катастрофы.
Па словах рэжысёра Джэймса Кэмерана, на правядзенне канвертавання арыгінальнага фільма запатрабуецца каля года. Раней Кэмеран сцвярджаў, што тэставыя працы ўжо былі праведзеныя, і атрыманы вынік задаволіў кіраўніцтва кінастудыі FOX.
Рэжысёр таксама паведаміў, што плануе выпусціць у пракат поўную версію фільма «Аватар». Верагодней за ўсё, гэта адбудзецца ўвосень 2010 года, паведамляе «Карэспандэнт.net» са спасылкай на «USA Today».
«Пракатчыкі лічаць, што яны недаатрымалі пару сотняў мільёнаў з-за таго, што былі вымушаныя вызваліць месца для «Алісы ў краіне цудаў». Калі іх цікавасць да карціны захаваецца пасля завяршэння летняга сезону, мы будзем гатовыя перавыпусціць яе», - сказаў рэжысёр.
У рэжысёрскую версію ўвойдуць эпізоды, якія з розных прычынаў не патрапілі ў той варыянт карціны, які дэманстраваўся раней у кінатэатрах па ўсім свеце.
Нагадаем, што «Аватар» стаў самым касавым фільмам у гісторыі кіно. Яго агульнасусветныя зборы перавысілі $2,6 млрд. Папярэднім рэкардсменам быў «Тытанік» таго ж Кэмерана.
Варта адзначыць, што пасля поспеху «Аватара» у свеце пачаўся ўсеагульны бум з нагоды 3D-фармату. Так, выдавецтва Hustler, якое належыць Лары Флінту, збіраецца зняць некалькі трохмерных парнаграфічных пародыяў на вядомыя фільмы, у тым ліку «Зорны шлях» і «Аватар».
Навіны
па тэме
- У Менску плануюць адкрыць яшчэ адну 3D-залу
- Глава «Киновидеопроката»: До «Аватара» у меня были друзья
- Квіткі на 3D-мультфільм «Аліса ў краіне цудаў» зніклі да праката
- Очереди на 3D-фильмы могут исчезнуть только через два года
Экспарт
