Хрысціянскія дэмакраты Галандыі супраць візіту Мартынава ў Брусэль
18- 10.01.2011, 10:07
Хрысціянскія дэмакраты ў парламенце Галандыі выступаюць супраць візыту ў Брусэль міністра замежных спраў Беларусі Сяргея Мартынава.
Заява пра гэта з'явілася на сайце дэпутата парламента Хенк Ян Ормела ў нядзелю, паведамляе Dutch Press Agency. Ён і партыец Пітэр Омтзігт задалі парламенцкія пытанні міністру замежных спраў Нідэрландаў Уры Разенталю з мэтай не дапусціць візіту.
Прадстаўнік ЕЗ па знешняй палітыцы Кэтрын Эштан плануе прыняць Мартынава ў гэты панядзелак у Брусэлі, нягледзячы на санкцыі ў выглядзе забароны на ўезд, якія пагражаюць Аляксандру Лукашэнку і яго набліжаным.
Омтзігт і Ормел не хочуць, каб адбылася сустрэча паміж Эштан і Мартынавым, улічваючы палітыку Нідэрландаў у дачыненні да беларускага рэжыму.
Пазіцыі павінныя быць зразумелыя
Як кажуць дэпутаты парламента, Хрысціянска-дэмакратычная партыя не дапускае ніякіх сустрэч да таго, як стане вядомая пазіцыя беларускіх апазіцыйных партый.
Да таго, як ЕЗ абмяркуе пытанне і сфармуе сваё меркаванне, візіт беларускага міністра з'яўляецца непажаданым, кажа Пітэр Омтзігт. Хрысціянскія дэмакраты далучаюцца да пазіцыі ЗША. Нядаўна Хілары Клінтан заявіла, што ўсіх паплечнікаў Лукашэнкі, уключаючы Мартынава, трэба ўнесці ў спіс тых, каму забаронены ўезд у заходнія краіны.