Прадпісана выселіцца

Услед за Гомелем кватэрны скандал разгараецца ў Магілёве.

Праўда пакуль, без арыштаў і наручнікаў. Каля паўсотні сем'яў загадана выселіцца з займаных кватэр.

Магілёўскія кватэры з «манеўранага фонду», гэта значыць тыя, што прызначаныя для часовага перасялення жыхароў, у чыіх дамах ідзе капітальны рамонт, выкарыстоўваліся не па прызначэнні. Каля паўсотні сем'яў атрымалі прадпісанне пракуратуры выселіцца з займаных кватэр, паведаміў тэлеканал ОНТ. Як паказала сумесная праверка пракуратуры і Дзяржкантролю адсутнасцю кантролю за тым, каму і на які перыяд вылучалася жыллё манеўранага фонду, карысталіся ў прыватнасці людзі, чый дом ужо адрамантаваны. Але грамадзяне пераязджаць не спяшаюцца і, па сутнасці, займаюць дзве кватэры. Некаторыя жыхары нават здавалі часовыя кватэры ў арэнду.

Аказалася таксама, што служба па размеркаванні манеўранага жылога фонду, а менавіта гарадское кіраванне камунальных прадпрыемстваў, нярэдка размяркоўвала спецкватэры, што называецца, па блату.

- Мы б, можа, не звярталі ўвагі, калі б вылучалі сантэхнікам і дворнікам, - адзначыў першы намеснік пракурора Магілёўскай вобласці Алег Пімашкоў. - Але калі кватэра вылучаецца галоўнаму бухгалтару дарожна-маставога прадпрыемства... Чым гэты работнік лепш звычайнага грамадзяніна, які доўгі час знаходзіцца ў чарзе на жыллё? Напрыклад, 27 гадоў назад кватэра была выдзелена работніку ЖКГ, які ўсе гэтыя гады пражываў у кватэры незаконна. Больш за тое, ён працуе ў Расеі і зарабляе там грошы.

Па словах начальніка ўпраўлення кантролю органаў выканаўчай улады Камітэта дзяржкантролю Магілёўскай вобласці Зміцера Захарава, усплылі таксама факты, калі асобныя жыхары здавалі ў наём манеўранае жыллё.

Некаторыя жыхары не хочуць пакідаць кватэры па цалкам, з іх пункту гледжання, аб'ектыўных прычынах. Шматдзетная маці Наталля Баркунова па загадзе Пракуратуры павінна тэрмінова перабрацца ў новабудоўлю, але жыць там немагчыма, сцвярджае яна:

- Няма гарачай вады, цэнтральнага ацяплення, у калідоры няма труб. І не факт, што ўсё ўключаць да ацяпляльнага сезона.

Аб'ём магілёўскага манеўранага фонду перагледзяць.

У манеўранага фонду ўпраўлення ЖКГ Магілёўскага гарвыканкама больш за 80 кватэр. Па дадзеных пракуратуры, 16 з іх пустуюць. У выніку наспявае пытанне: ці патрэбны абласному цэнтру такі вялікі рэзерв часовага жылля і хто яго на самай справе займае?

Намеснік начальніка ўпраўлення ЖКГ Магілёўскага Гарвыканкама Аляксей Шарай запэўніў, што калі будзе ўстаноўлена, што гэта колькасць перавышае патрэбнасці горада, то разам з зацікаўленымі службамі будзе вызначана, у якой разрад перавесці такое жыллё: ці то ў сацыяльнае, ці то ў камерцыйнае.

Падобная праца над памылкамі пройдзе і ў райцэнтрах рэгіёну. Па папярэдніх дадзеных пракуратуры, як мінімум паўсотні кватэр з манеўранага фонду ў галіне пустуюць. Іх утрыманне ўжо ў 2012 годзе абышлося камунальнікам ў 70 мільёнаў рублёў. А чарга маючых патрэбу ў паляпшэнні жыллёвых умоў тым часам расце.