29 сакавiка 2024, Пятніца, 15:27
Падтрымайце
сайт
Сім сім,
Хартыя 97!
Рубрыкі

ЦВК Украіны абвясціла канчатковыя вынікі выбараў

3
ЦВК Украіны абвясціла канчатковыя вынікі выбараў

Цэнтральная выбарчая камісія скончыла падлік афіцыйных вынікаў выбараў народных дэпутатаў Вярхоўнай Рады Украіны.

Цэнтральная выбарчая камісія Украіны прызнала абранымі яшчэ 34 народных дэпутаты Вярхоўнай Рады. ЦВК на паседжанні ў нядзелю зацвердзіла пратаколы аб абранні народных дэпутатаў у астатніх 34 аднамандатных акругах: №№ 11, 14, 20, 34, 35, 37, 40, 63, 65, 66, 67, 90, 92, 93, 95, 97, 99, 100, 101, 130, 137, 138, 142, 161, 184, 199, 211, 212, 215, 216, 217, 218, 220, 222, паведамляе «Корреспондент».

Агулам паводле партыйных спісаў і ў аднамандатных акругах у парламент абраныя 445 народных дэпутатаў, з іх ад Партыі рэгіёнаў - 185, ВА «Батьківщина» - 101, партыі УДАР - 40, ВА «Свабода» - 37, КПУ - 32, партыі «Адзіны цэнтр» - 3, Народнай партыі - 2, партыі «Саюз» - 1, Радыкальнай партыі Ляшко - 1, а таксама 43 самавылучэнцы.

У пяці аднамандатных акругах ЦВК прызнала немагчымым выявіць вынікі выбараў, а Вярхоўная Рада рэкамендавала ЦВК прызначыць паўторныя выбары ў гэтых акругах. Гаворка ідзе пра акругі №№ 94(Абухоў, Кіеўская вобласць), 132 (Первамайск, Мікалаеўская вобласць), 194 і 197(Чаркаская вобласць), 223(Кіеў, Шаўчэнкаўскі раён).

Як паведамлялася, Цэнтральная выбарчая камісія мае намер скончыць падрахаванне вынікаў парламенцкіх выбараў на Украіне ў нядзелю, 11-га лістапада.

Раней Цэнтральная выбарчая камісія зацвердзіла пратакол вынікаў галасавання на выбарах народных дэпутатаў Украіны ў шматмандатнай агульнадзяржаўнай акрузе.

Напісаць каментар 3

Таксама сачыце за акаўнтамі Charter97.org у сацыяльных сетках