«Белнафтахім» скардзіцца на недахоп валюты
11- 14.11.2012, 12:03
Старшыня канцэрна Ігар Жылін лічыць па-ранейшаму актуальнай праблему вяртання ў Беларусь валютнай выручкі ад працы сетак канцэрна за мяжой.
Канцэрн мае намер зрабіць больш жорсткім кантроль у гэтай сферы.
«Кажучы аб галоўных задачах галіны, старшыня канцэрна Ігар Жылін адзначыў, што актыўная работа па вяртанню валютнай выручкі ў краіну і зніжэнню дэбіторскай запазычанасці, распачатая канцэрнам ў 2011 годзе адным з першых у Беларусі, была падтрымана на рэспубліканскім узроўні і ёй нададзена значэнне адной з асноўных . Пэўныя поспехі дасягнуты, але актуальнасць гэтай задачы для арганізацый канцэрна па-ранейшаму не змяншаецца, - паведамілі агенцтву «Інтэрфакс-Захад» у прэс-службе канцэрна «Белнафтахім».
Там адзначылі, што пра гэта Жылін заявіў на пасяджэнні Савета канцэрна, якое было прысвечана вынікам работы падведамных прадпрыемстваў за студзень-верасень бягучага года.
Жылін падкрэсліў, што неабходна забяспечыць максімальную эфектыўнасць закупак сыравіны, матэрыялаў, камплектуючых і продажаў гатовай прадукцыі, зрабіць больш жорсткім кантроль вяртання валютнай выручкі ў рэспубліку, у тэрміны, устаноўленыя заканадаўствам, і забяспечыць устойлівую тэндэнцыю да зніжэння дэбіторскай запазычанасці, у першую чаргу - знешняй.