Змененыя правілы атрымання віз ў Францыю

Амбасада Францыі інфармуе аб змене збораў пры афармленні доўгатэрміновых віз.

Згодна з новым палажэннем заканадаўства Францыі, дзеючым з 1 лістапада, збор за від на жыхарства, прызначаны для выплаты ў Французскую службу па іміграцыі і інтэграцыі (ФСІІ), будзе спаганяцца падчас падачы дакументаў на атрыманне візы адначасова са звычайным візавым зборам, перадае БелаПАН.

Як паведамляе прэс-служба амбасады Францыі ў Беларусі, гэта змяненне датычыцца ўсіх французскіх консульскіх службаў і ўсіх нацыянальнасцей, якім можа быць выдадзена доўгатэрміновая віза, эквівалентная віду на жыхарства.

Такая віза, уведзеная ў дзеянне ў 2009 годзе, з'яўляецца адначасова ўязной візай на французскую тэрыторыю і відам на жыхарства, тэрмінам да аднаго года, вызваляе ўладальніка такой візы ад неабходнасці звароту ў прэфектуру за атрыманнем пасведчання на жыхарства.

Увядзенне ў дзеянне такой доўгатэрміновай візы было задумана для спрашчэння і скарачэння крокаў, прадпрымаемых тымі замежнымі грамадзянамі, чыё знаходжанне ў Францыі не абмяжоўваецца трыма месяцамі.

«У сувязі з тым, што зборы, выплачаныя падчас падачы дакументаў на афармленне візы, не пакрываюцца, суіскальніку візы неабходна найлепшым чынам ацаніць сур'ёзнасць сваіх намераў і якасць свайго дасье, падаючы ўсе неабходныя пацвярджальныя дакументы», - падкрэсліваецца ў паведамленні.