Навагодні стол: 50 грам ікры за 350 тысяч (Фота)

У якую суму абыдзецца беларусам святочны стол?

Новы год не за гарамі. Самыя прадуманыя ўжо паволі пачынаюць прыглядацца да закусак для навагодняга стала. На навагоднім застоллі, як правіла, імкнуцца не эканоміць. Свята ўсё ж такі. Журналісты «Комсомольской правды в Беларуси» прыкінулі, чым звычайна частуюць гасцей у навагоднюю ноч і зірнулі на цэннікі.

Бутэрброды з ікрой - як жа без іх! Адной слоічкі хапае на вялікую талерку бутэрбродаў.

Чорную ікру ў адным з гіпермаркетаў можна знайсці па кошце 350 тысяч за слоічак вагой 55 г. Чырвоная, традыцыйна, абыйдзецца танней - 112 тысяч за 140 г.

Не будзем адыходзіць далёка ад ласосевых і паглядзім кошт на чырвоную рыбу для бутэрбродаў - кавалак філе фарэлі ў 300 г абыйдзецца ў 61 тысячу.

А вось кіло селядца, які звычайна ідзе ў вялікіх колькасцях на салату «Селядзец пад футрам», ды і проста асобна з цыбулькай, каштуе 53 тысячы рублёў.

Замарожаныя каралеўскія крэветкі ў панцыры з Тайланда - 76 тысяч за кіло.

Цяпер пройдземся па смачнай вэнджанай нарэзцы.

Сыравэнджаны кумпяк прадаюць за 321 тысячу (кошт за 1 кг).

Ёсць варыянт танней. Нарэзка сыравэнджаная са свініны - 174 тысячы за кілаграм.

Каўбаса не нашмат танней! Адзін з відаў сыравяленай - па 150 тысяч за кіло.

За добрыя віды сыроў таксама прыйдзецца раскашэліцца. Цвёрды «Грана Падана» прапануюць па 300 тысяч (кілаграм).

А сулугуні - 80 тысяч за кілаграм.

Тым, каму захочацца агародніннай грэчаскай салаты, таксама прыйдзецца раскашэліцца. Салата «Айсберг», якую ўлетку можна было купіць у раёне 20 тысяч за кіло, цяпер каштуе 57 тысяч за кілаграм. А маленькія памідоры чэрры, якія часта купляюць для ўпрыгожвання або канапе, прапануюць па 125 тысяч за кіло.

Цэннік на алкаголь замежнай вытворчасці таксама не танны. Вядома, можна знайсці віно і па 60 тысяч за бутэльку. Але для тых, хто любіць пацягнуць добры напой, давядзецца расстацца з кругленькай сумай грошай.