У Літве могуць прызнаць ветэранамі ўдзельнікаў антысавецкага супраціву

Камандуючы літоўскай арміяй генерал-лейтэнант Арвідас Поцюс мае намер прапанаваць узаконіць статус ветэрана.

Яго маглі б атрымаць удзельнікі баёў за свабоду і ўдзельнікі міжнародных аперацый, піша ru.delfi.lt.

«Як у Скандынаўскіх краінах, так і ў іншых ёсць паняцце ветэрана, напрыклад, у дзяржаве не адбываюцца ваенныя дзеянні, але людзі, якія ўдзельнічаюць у міжнародных аперацыях, атрымліваюць гэты статус. Мы лічым, што мы таксама павінны прывесці гэта ў парадак, бо статус такі: пакуль усё добра - добра, але затым з'яўляюцца людзі, якія і хварэюць, і раненні аказваюць уплыў на здароўе. Пытанні ветэранаў у будучыні павінны абмяркоўвацца больш сур’ёзна», - сказаў камандарм.

На пытанне аб тым, ці ўдасца гэта пытанне ўзняць на палітычным узроўні ў Мінабароны, Арвідас Поцюс адказаў: «Так, менавіта».

Ён лічыць, што статус ветэрана маглі б атрымаць ўдзельнікі паўстання 1941 года супраць савецкіх акупантаў, пасляваенныя партызаны, якія баранілі незалежнасць Літвы ў 1990-1991 гадах, літоўскія добраахвотнікі і ваенныя, якія ўдзельнічалі ў міжнародных аперацыях.

«Усе гэтыя людзі павінны апынуцца пад гэтым парасонам», - разважаў Поцюс.