Крэдыты ў валюце будуць даваць толькі безнаяўнасцю

Нацыянальны банк Беларусі змяніў умовы выдачы крэдытаў у замежнай валюце.

Пра гэта гаворыцца ў пастанове праўлення Нацбанка № 577 «Аб прадастаўленні крэдытаў у замежнай валюце», прынятай 13 лістапада.

Згодна з дакументам, з 17 лістапада «крэдыты ў замежнай валюце прадастаўляюцца ў безнаяўным парадку шляхам пералічэння банкам замежнай валюты ў аплату разліковых дакументаў, прадстаўленых крэдытаатрымальнікам, на рахункі нерэзідэнтаў Рэспублікі Беларусь, а таксама рэзідэнтаў Рэспублікі Беларусь у выпадках, прадугледжаных заканадаўствам».