Дэмакратызацыя Беларусі - прыярытэт для ЗША
35- 21.11.2012, 8:52
Новы амбасадар ЗША ў Польшчы назваў прыярытэты двухбаковага супрацоўніцтва.
Сярод іх Стывен Мал пералічыў умацаванне ўзаемадзеяння ў сферы бяспекі, развіццё двухбаковых эканамічных адносін і сумесныя намаганні па дэмакратызацыі Беларусі, піша польскі бізнес-партал money.pl (пераклад - charter97.org).
Па словах дыпламатычнага прадстаўніка Злучаных Штатаў элементы сістэмы супрацьракетнай абароны ўсё ж такі будуць размешчаныя ў Польшчы ў 2018 годзе. Раней прэзідэнт Барак Абама звярнуў праект размяшчэння ПРА ў Еўропе з-за пратэстаў Масквы.
Амбасадар таксама заявіў, што сканцэнтруе ўвагу на дэмакратызацыі суседняй Беларусі. Ён лічыць, што Польшча магла б дзяліцца з дзяржавамі былога СССР сваім вопытам сістэмнай трансфармацыі.
«Дэмакратызацыя Беларусі таксама ляжыць у інтарэсах ЗША», - заявіў дыпламат.