Парламент Грузіі абмяркоўвае пытанне пра палітвязняў

Парламентарыі павінны вызначыць у дачыненні да палітвязняў краіны механізм прававой адказнасці і вызвалення ад пакарання.

Праект пастановы, які будзе абмяркоўвацца, як мяркуецца, на пленарным пасяджэнні ў сераду, і які не будзе падтрыманы парламенцкай меншасцю, суправаджаецца спісам канкрэтных асоб, піша civil.ge.

У спіс асоб, якія знаходзяцца ва ўцёках па палітычнай прыкмеце, якія з-за крымінальнага пераследу пакінулі краіну і не знаходзяцца пад арыштам, патрапілі былы міністр абароны Іраклій Акруашвілі і бізнесмен, які асацыююцца з ім Кібар Халвашы і былы губернатар рэгіёну Шыда Картлі Міхаіл Карэлі, а таксама Бідзіна Гіёргабіяні, былы кіраўнік Ляснога дэпартамента, Бадры Біцадзэ, былы начальнік Памежнай паліцыі і муж былога старшыні парламента Ніно Бурджанадзэ.

Па словах старшыні Камітэта па правах чалавека Экі Беселія, асобы, якія знаходзіцца ва ўцёках па палітычнай прыкмеце, атрымаюць магчымасць для вяртання ў Грузію, не будуць падлягаць арышту і іх справы будуць перагледжаныя.

Камітэт падтрымаў праект пастановы на сённяшнім пасяджэнні пасля таго, як выслухаў даклады па канкрэтных справах ад працоўнай групы, створанай на базе камітэта, якая вывучала справы арыштаваных і асоб, якія знаходзяцца ва ўцёках па палітычнай прыкмеце.

Створаная 1 лістапада працоўная група, у якую таксама ўваходзілі прадстаўнікі праваабарончых арганізацый і юрысты, разгледзела больш за 220 спраў на падставе зваротаў тых асоб, якія лічаць сябе асуджанымі па палітычнай прыкмеце. Працоўная група заявіла, што яна кіравалася крытэрамі рэзалюцыі Парламенцкай Асамблеі Рады Еўропы ад кастрычніка 2012 года, калі складала спіс палітычных зняволеных.