На «Кастрычніцкай» не спыняліся цягнікі метро
17- 21.11.2012, 9:36
Прычынай стала меркаваная тэхнічная няспраўнасць.
Як распавёў начальнік прэс-службы ГУУС Менгарвыканкама Аляксандр Ластоўскі, прыкладна ў 7.20 машыніст цягніка, які рухаўся ў бок Уручча, западозрыў тэхнічную няспраўнасць. У сувязі з гэтым склад быў спынены на станцыі метро «Кастрычніцкая», дзе пасажыраў высадзілі, а цягнік праверылі. У выніку няспраўнасць не выявілі, і цягнік адправіўся далей, піша TUT.by.
У сувязі з тым, што на «Кастрычніцкай» у гэты час вялікая колькасць людзей, кіраўніцтва метрапалітэна прыняло рашэнне наступным цягнікам праязджаць без прыпынення і не выпускаць пасажыраў на станцыі. «Гэта была чыста тэхнічная мера, каб не дапусціць гармідару», - адзначыў Аляксандр Ластоўскі.
У цяперашні час метро працуе ў штатным рэжыме.