29 сакавiка 2024, Пятніца, 4:24
Падтрымайце
сайт
Сім сім,
Хартыя 97!
Рубрыкі

Егіпет уводзіць візы для беларусаў

33
Егіпет уводзіць візы для беларусаў

Аб такой магчымасці беларускіх турагентаў папярэдзілі расейскія партнёры.

Буйныя расейскія тураператары разаслалі сваім агентам адпаведныя лісты. У пасланнях сказана наступнае: «Інфармуем вас аб новых патрабаваннях знаходжання беларускіх грамадзян на тэрыторыі Егіпта. Беларускім грамадзянам, якія прыбываюць у Егіпет з тэрыторыі Расейскай Федэрацыі, неабходная віза», піша газета «Туризм и отдых».

Чуткі пра тое, што для беларускіх турыстаў адмяняюцца візы ў аэрапортах Хургады і Шарм-эль-Шэйха перыядычна з'яўляліся ўвесь апошні год. Тым не менш чартары з Менска, а таксама Масквы і Кіева з беларускімі турыстамі адляталі лета і восень у звычайным рэжыме. Ніякіх пытанняў да «пакетных» турыстаў з беларускімі пашпартамі ў аэрапортах ніколі не ўзнікала. Адпачывальнікі за 15 даляраў атрымлівалі запаветную «налепку» і адпраўляліся на пляж. І вось зноў нявызначанасць з візамі. Прычым у цяперашні час турфірмы знаходзяцца ў поўнай разгубленасці: ці датычацца візавыя пытанні толькі беларускіх турыстаў, якія вылятаюць ў Егіпет з Масквы (як сказана ў маскоўскіх лістах), альбо ўсё ж такі, як ужо ходзяць чуткі, з 1 снежня ўсім беларусам (незалежна ад пункта адпраўлення) неабходная будзе егіпецкая віза для ўезду ў краіну? Нагадаем, што ў Менску няма егіпецкага дыппрадстаўніцтва, таму ездзіць па візы беларусам прыйдзецца ў сталіцу Расеі. Расейскія аператары, якія цалкам кантралююць рынак паездак беларусаў на цудоўныя егіпецкія пляжы, змогуць адкрываць візы нашым грамадзянам без асабістай прысутнасці суіскальнікаў, але тым не менш працягласць працэдуры - прыблізна 10 дзён, мякка кажучы, не выклікала захаплення ў беларускіх турагентаў.

Журналісты выдання паспрабавалі знайсці якую-небудзь інфармацыю аб радыкальных зменах у візавым пытанні ў афіцыйных ведамствах. На жаль, датэлефанавацца да Амбасады Егіпта ў Маскве, гэтак жа як і знайсці якую-небудзь інфармацыю аб візавых зменах на афіцыйным сайце ўстановы, не ўдалося. У прэс-службе МЗС Беларусі на момант напісання матэрыялу таксама не мелі якой-небудзь інфармацыяй аб егіпецкіх візавых новаўвядзеннях.

Як толькі якая-небудзь інфармацыя датычна егіпецкіх віз пацвердзіцца, мы адразу ж паведамім пра гэта агенцтвы, пакуль што афіцыйных каментароў з гэтай нагоды мы даваць не будзем», - адказалі карэспандэнту ў аддзеле рэкламы і PR кампаніі Tez Tour. Тым не менш менавіта на афіцыйным сайце гэтага тураператара ў раздзеле «Турыстам» з нагоды віз у Егіпет паказана адназначна: беларусам патрабуецца абавязковае афармленне візы ў консульстве.

Напісаць каментар 33

Таксама сачыце за акаўнтамі Charter97.org у сацыяльных сетках