У Мінску чакаюць прэзідэнта Лаоса

Афіцыйны візіт прэзідэнта Лаоса ў Беларусь запланаваны на сярэдзіну 2013 года.

Пра гэта паведаміў намеснік міністра замежных спраў Беларусі Сяргей Алейнік.

Намеснік міністра адзначыў, што гэты візіт дасць магчымасць пашырыць супрацоўніцтва паміж Беларуссю і Лаосам. У 2012 годзе доўжыцца работа для актывізацыі дыялогу паміж дзвюма краінамі, піша БелТА.

У чэрвені адбыўся афіцыйны візіт міністра замежных спраў Беларусі ў Лаоскую Народна-Дэмакратычную Рэспубліку. Сяргей Алейнік адзначыў высокую дынаміку ўзаемадзеяння Беларусі з Лаосам, а таксама з іншымі краінамі Паўднёва-Усходняй Азіі.