Школы на продаж

На Брэстчыне прадаюць 14 школ. Аўкцыёны павінны прайсці да канца года.

За базавую велічыню (сто тысяч рублёў) можна купіць, пры адсутнасці жадаючых заплаціць больш, школу плошчай паўтары тысячы квадратных метраў у вёсцы Рубель Столінскага раёна. Такі ж пачатковы кошт яшчэ двух будынкаў: школ у вёсках Хомск Драгічынскага раёна і ў Чудзін Ганцавіцкага раёна.

Кошт на іншыя школы зніжаны на 20 або 50 адсоткаў ад устаноўленых раней, або аўкцыён будзе праходзіць з паніжэннем пачатковага кошту, паведамляе «Еўрарадыё».

Зямля пад школамі аддаецца ў арэнду на 50 гадоў. З устаноў адукацыі і выхавання выстаўленыя на продаж таксама два дзіцячыя садкі і яслі-сад.