Мінэнерга пацвярджае: ліміты на электраэнергію ўвядуць

Беларусь увядзе ліміты энергаспажывання для насельніцтва, звыш якіх жыхары краіны будуць плаціць ўжо па сабекошце.

Сёння ўсё жыхары Беларусі аплочваюць выдаткі за электраэнергію па так званым сацыяльным тарыфе, згодна з якім яны кампенсуюць каля 30 адсоткаў сабекошту электраэнергіі. Пры гэтым такое льгатаванне сацыяльных тарыфаў адбываецца за кошт суб'ектаў гаспадарання Беларусі, якія аплачваюць энергетычныя тарыфы і за сябе і за жыхароў краіны. Цяпер сітуацыя зменіцца, піша «Ежедневник».

Як паведаміў міністр энергетыкі Аляксандр Азярэц, ужо падрыхтаваны законапраект, паводле якога аплата за электраэнергію па сацыяльным тарыфе будзе і далей ажыццяўляцца, але толькі да 150 кВт. г. для кватэр з газавай плітой, і 250 кВт.г. для кватэр з электраплітой у месяц.

Па словах міністра, у выпадку, калі ліміт спажывання электраэнергіі будзе перавышаны на 300-400 кВт.г, будзе дзейнічаць 30-адсоткавая дэльта. За астатнюю спажытую электраэнергію аплата будзе ажыццяўляцца па сабекошце. Як адзначыў, Аляксандр Азярэц, больш за 70 адсоткаў беларусаў згодныя з павышэннем тарыфаў на электраэнергію да ўзроўню яе сабекошту, таму новы падыход не павінен выклікаць народнага абурэння.