NASA: Канца света 21 снежня не будзе

Навукоўцы амерыканскага касмічнага ведамства NASA перакананыя, насуперак шматлікім прадказанням, што канец света ў снежні гэтага года не наступіць.

«Наша планета была ў поўным парадку на працягу больш 4 мільярдаў гадоў, і сцвярджэнні аб тым, што хутка будзе канец света, не маюць пад сабой ніякіх навуковых абгрунтаванняў», - адзначаецца ў паведамленні, размешчаным на сайце ведамства.

Адно з іх, у прыватнасці, абвяшчае, што з Зямлёй сутыкнецца міфічная планета Нібіру, якая пілігрымуе ў Сонечнай сістэме і існаванне якой нібыта прадказалі шумеры. Першапачаткова катастрофа па гэтым сцэнары планавалася ў траўні 2003 года. Аднак, калі яе не адбылося, канец света быў перанесены на 21 снежня 2012 года. Менавіта на гэтую дату даводзіцца канец аднаго з цыклаў календара індзейцаў майя, паведамляюць Вести.ru.

Аднак гэта не падстава, каб чакаць канца свету, кажуць спецыялісты.

Час не канчаецца толькі таму, што каляндар, які вісіць на вашай кухні, завяршаецца 31 снежня. Так і каляндар майя не канчаецца 21 снежня 2012 года. Гэтая дата з'яўляецца апошняй у працяглым перыядзе сістэмы вылічэння часу майя, аднак затым у іх пачынаецца новы цыкл - гэтак жа , як і вы павесіце на сцяну новы каляндар 1 студзеня», - запэўніваюць навукоўцы NASA.

Даследнікі таксама абвяргаюць і іншыя распаўсюджаныя тэорыі пра канец света: гібель нашай планеты ў выніку сутыкнення з якім-небудзь іншым нябесным целам, гіганцкую сонечную ўспышку, зрух палюсоў і «парад планет» - астранамічную з'яву, пры якой пэўная колькасць планет Сонечнай сістэмы аказваецца па адзін бок ад Сонца ў невялікім сектары.

У чацвер навукоўцы NASA, сярод якіх астраном, астрабіёлаг і спецыялісты па вывучэнні астэроідаў і Сонца, правядуць для ўсіх жадаючых інтэрнэт-канферэнцыю ў відэачаце Google, у ходзе якой падрабязна раскажуць пра тое, чаму тэорыі аб надыходзячым канцы света з'яўляюцца чыстай вады выдумкай.