У Расеі хочуць штрафаваць за чуткі пра канец света

З такой прапановай выступіў кіраўнік Расспажыўнагляду Генадзь Анішчанка.

Ён лічыць, што людзі, якія распаўсюджваюць чуткі пра «канец свету», які нібыта будзе 21 снежня, могуць быць прыцягнутыя да адказнасці, перадае «Інтэрфакс».

«22 снежня аўтарам гэтых плётак трэба будзе прад'явіць прэтэнзіі за нагнятанне неабгрунтаванага запалу. Калі яшчэ паспрабаваць пралічыць рызыкі, якія нанесла гэтая інфармацыя, то будзе падстава і для эканамічных прэтэнзій», - сказаў Анішчанка Інтэрфаксу.

Паводле яго слоў, «ніякіх аб'ектыўных перадумоў для такіх прагнозаў ні ў каго няма».