Пратэсты супраць «ушчыльнення» у Магілёве - кожны дзень
18- 30.11.2012, 15:54
У горадзе за тры дні прайшло тры стыхійныя мітынгі.
На кожным з іх прысутнічалі каля 100 чалавек, паведамляе «Еўрарадыё».
Людзі незадаволеныя тым, што на месцы бярозавага гаю ў мікрараёне «Юбілейны» збіраюцца пабудаваць дамы. Ніхто з мясцовымі жыхарамі гэта не ўзгадняў, грамадскіх слуханняў не праводзіў.
Людзі збіраюць подпісы. Іх ужо паставілі каля 400 чалавек. Частку подпісаў паслалі мясцовым уладам.
Чыноўнікі і мясцовыя дэпутаты пазбягаюць людзей і не прыходзяць на сустрэчы. Сёння прадстаўнік падрадчыка не здолеў пераканаць людзей у неабходнасці будаўніцтва гэтых дамоў у тым месцы. На многія пытанні ў яго проста не было адказаў.
Людзі збіраюцца і працягваць змагацца супраць ушчыльнення свайго раёна.