28 сакавiка 2024, Чацвер, 19:10
Падтрымайце
сайт
Сім сім,
Хартыя 97!
Рубрыкі

Варшавян знаёмяць з беларускімі кнігамі

1

29 лістапада ў Каралеўскім замку ў польскай сталіцы адкрыўся XXI Кірмаш гістарычнай кнігі.

Упершыню на ёй з'явіўся Салон беларускай кнігі, піша «Еўрарадыё».

На кірмашы прадстаўленыя недзяржаўныя беларускія выдавецтвы. Беларускія кнігі і часопісы прадаюць людзі, якія мелі непасрэднае дачыненне да іх выдання. Каля прылаўкаў, напрыклад, можна было ўбачыць прафесара Алега Латышонка, каардынатараў выдавецкай серыі «Гарадзенская Бібліятэка» Паўла Мажэйку і Эдварда Дмухоўскага.

У рамках кірмашу 1 снежня ў 13 гадзін у Канцэртнай зале Каралеўскага замка пройдзе дыскусія пра беларускую гістарычную кнігу. На ёй выступяць Алег Латышонак («Беларусы ў пошуках уласнай гісторыі»), Наталля Русецкая («Сучасная беларуская літаратура ў адносінах да гісторыі»), Зміцер Колас («Развагі выдаўцоў аб беларускім рынку гістарычнай кнігі») і Пётр Дабралэнцкі («Польскі рынак кнігі»). Уваход на мерапрыемства будзе праходзіць на падставе запрашэнняў, якія можна атрымаць у інфармацыйным пункце Кірмаша гістарычнай кнігі.

Наведаць кірмаш можна да 2 снежня ўключна. Уваход з 10-і па 18 гадзін.

Напісаць каментар 1

Таксама сачыце за акаўнтамі Charter97.org у сацыяльных сетках