29 сакавiка 2024, Пятніца, 11:41
Падтрымайце
сайт
Сім сім,
Хартыя 97!
Рубрыкі

Аляксандр Бухвостаў: Дзяржава ператварае рабочых у рабоў (Відэа)

11

Адзін з лідэраў незалежных прафсаюзаў сцвярджае, што адсутнасць палітычнай свабоды ў дзяржаве адмоўна ўплывае на беларускую эканоміку.

Лукашэнка распарадзіўся, каб абутковыя прадпрыемствы краіны працавалі цалкам на дзяржаўны бюджэт. На гарызонце з'явілася магчымасць нацыяналізацыі і аб'яднання абутковых заводаў у буйныя холдынгі.

Стала вядома, што аб'яднальнымі працэсамі будзе кіраваць фірма, дзе ўдзел расейцаў складае 70%, паведамляе тэлеканал «Белсат». Аляксандр Бухвостаў заўважыў, што для беларускага рабочага няма розніцы, хто ім кіруе і выкарыстоўвае яго працоўную сілу.

«Капіталіст аднолькавы і не мае нацыянальнасці. Рабочы аднолькава залежыць ад кожнага. Гэта не крытычна», - лічыць лідэр незалежных прафсаюзаў.

Разам з тым Бухвостаў лічыць, што палітычная атмасфера, адсутнасць свабоды ў краіне вельмі моцна адбіваюцца на эканамічнай сітуацыі.

«Палітычная сістэма пачынае ўплываць на эканоміку: усё павінна быць пад кантролем. Калі прадпрымальнік незалежны і атрымлівае прыбытак, то гэта не падабаецца дзяржаве, якая пачынае ўмешвацца, а гэта прывядзе толькі да пагаршэння стану беларускай гаспадаркі», - падкрэсліў актывіст.

Нацыяналізацыя ж, упэўнены Бухвостаў, не дасць работнікам ніякай перавагі. «Рабочыя зацікаўленыя ў высокай зарплаце і ў павазе да сябе. А будзе імі кіраваць прыватны ўласнік або дзяржава, для іх няма розніцы», - заўважыў Бухвостаў. Ён дадаў, што пры нацыяналізацыі дзяржава забяспечыць рабочаму толькі становішча раба.

Напісаць каментар 11

Таксама сачыце за акаўнтамі Charter97.org у сацыяльных сетках