banner1 banner1 banner1

9.11.2012

Літоўскага амбасадара выклікалі ў Вільню важная навіна 18

11:57, — Палітыка

Літоўскага амбасадара выклікалі ў Вільню

Амбасадар Літвы ў Беларусі Лінас Лінкявічус увечары 8 лістапада выехаў з Менска ў Вільню.

Гэты факт «Радыё Свабода» пацвердзілі ў МЗС Літвы. Тут акцэнтавалі ўвагу на тым, што гэта не нейкі дэмарш, не выклік для кансультацый, аб чым звычайна паведамляецца СМІ, а звычайная камандзіроўка:

«У нашага амбасадара ў Беларусі, як і ў амбасадара Беларусі ў Літве спадара Дражына, бываюць звычайныя камандзіроўкі. Падчас іх і ў МЗС, і ў іншых установах абмяркоўваюцца нейкія бягучыя справы, напрыклад, адміністрацыйныя. Так што я вельмі спадзяюся, што нейкага штучнага скандалу з гэтай паездкі спадара Лінкявічуса СМІ рабіць не будуць», - заявіла намесніца кіраўніка аддзела інфармацыі і друку МЗС Літвы Дайва Рымашаўскайтэ.

8 лістапада ў Міністэрства замежных спраў Літвы запрасілі амбасадара Беларусі, каб выказаць пратэст у сувязі з тым, што ўвечары 6 лістапада на тэрыторыю літоўскага дыппрадстаўніцтва ў Менску невядомыя кінулі дзве бутэлькі з запальнай сумессю. МЗС Беларусі назвала гэта «злосным хуліганствам». А спецыяльная група Следчага камітэта вядзе расследаванне.

Амбасадару Беларусі Уладзіміру Дражыну ў МЗС Літвы ўчора выказалі пратэст у сувязі з інцыдэнтам. Яму таксама перадалі патрабаванне літоўскага боку расследаваць абставіны выпадку, супрацоўнічаць у гэтай справе з кампетэнтнымі літоўскімі органамі і гарантаваць бяспеку амбасады ў Менску.


Навіны
па тэме


Напісаць каментар (18)

Падзяліся!






Учора на сайце:

наведвальнікаў 323516
праглядаў 1802085

пн аў ср чц пт сб нд
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: