Арыштаваны кіроўца «Паршэ Каен», які збіў трэцякласніка

СК прад'явіў абвінавачванне кіроўцу «Паршэ Каен», падазраванаму ў здзяйсненні ДТЗ, якое пацягнула гібель 9-гадовага вучня каля школы № 23 на вуліцы Панчанкі ў Менску.

Пра гэта БелаПАН паведамілі ў аддзеле інфармацыі і сувязі з грамадскасцю СК.

Там адзначылі, што сабраная доказная база, якая ўключае ў сябе вынікі аглядаў, два следчых эксперыменты, шэраг экспертных заключэнняў і серыі допытаў, дазволіла прыняць вышэйпаказаная працэсуальнае рашэнне.

Следчыя працягваюць працу па ўстанаўленні праўдзівай карціны таго, што адбылося. Прызначаныя дадатковыя экспертныя даследаванні.

У якасці меры стрымання ў дачыненні да абвінавачанага ўжыта заключэнне пад варту.

Нагадаем, крымінальная справа расследуецца па ч. 2 арт. 317 КК (парушэнне правілаў дарожнага руху асобай, якая кіравала транспартным сродкам, што пацягнула па неасцярожнасці смерць чалавека).

Пасля гібелі менскага школьніка рапарты аб адстаўцы падалі намеснік начальніка ўпраўлення ДАІ ГУУС Менгарвыканкама Канстанцін Страх і начальнік аддзела ДАІ адміністрацыі Фрунзенскага раёна сталіцы Юрый Жыхараў.