«Мінімалку» за лістапад праіндэксуюць

У Беларусі мінімальная заработная плата (МЗП) за лістапад бягучага года індэксуецца на 12,4%, як і ў папярэднім месяцы.

Гэта абумоўлена тым, што індэкс спажывецкіх коштаў за лістапад не перавысіў пяціадсоткавы парог да месяца папярэдняй індэксацыі (жнівень 2012 года), паведамілі ў Міністэрстве працы і сацыяльнай абароны, паведамляе БелТА.

Такім чынам, месячная мінімальная заработная плата за лістапад гэтага года складае 1 мільён 109 тысяч 120 рублёў, гадзінная мінімальная заработная плата - 6 тысяч 580 рублёў.

У міністэрстве падкрэслілі, што згодна з законам «Аб устанаўленні і парадку павышэння памеру мінімальнай заработнай платы» памер МЗП, устаноўлены заканадаўствам і праіндэксаваны, з'яўляецца абавязковым для наймальніка ў якасці ніжэйшай мяжы аплаты працы работнікаў.

З 1 студзеня бягучага года пастановай Савета Міністраў месячная мінімальная заработная плата была ўстаноўленая на ўзроўні 1 мільёна, гадзінная мінімальная заработная плата - 5 тысяч З улікам індэксацыі з траўня гэтага года гэтыя сацыяльныя нарматывы павысіліся адпаведна да 1 мільёна 47 тысяч 550 рублёў і 6 тысяч 210 рублёў , з ліпеня - да 1 мільёна 54 тысяч 10 рублёў і 6 тысяч 250 рублёў, са жніўня - да 1 мільёна 104 тысяч 640 рублёў і 6 тысяч 550 рублёў, з кастрычніка - да 1 мільёна 109 тысяч 120 рублёў і 6 тысяч 580 рублёў.