Па вушы ў пазыках

Крэдыторская запазычанасць на 1 лістапада 2012 склала Br173, 3 трлн і ў параўнанні з 1 лістапада 2011 года вырасла на 36,6%.

У параўнанні з пачаткам года яна павялічылася на 23,6%, у тым ліку за кастрычнік - на 1,8%.

Пратэрмінаваная крэдыторская запазычанасць на 1 лістапада 2012 года склала Br14,7 трлн, або 8,5% усяго аб'ёму крэдыторскай запазычанасці супраць 9,4% на 1 лістапада 2011 года. У параўнанні з 1 лістапада 2011 года пратэрмінаваная крэдыторская запазычанасць павялічылася на 22,6%. У параўнанні з пачаткам года яна вырасла на 42,1%, у тым ліку за кастрычнік - на 2,1%.

На 1 лістапада 2012 года на долю арганізацый прамысловасці прыпадала 43,4% пратэрмінаванай крэдыторскай запазычанасці, сельскай гаспадаркі - 26,4%, гандлю; па рамонце аўтамабіляў, бытавых вырабаў і прадметаў асабістага карыстання - 12,7%, будаўніцтва - 8,5% , арганізацый па аперацыях з нерухомай маёмасцю, арэндзе і прадастаўленні паслуг спажыўцам - 3,8%, транспарту - 4,6%.

У Беларусі па стане на 1 лістапада 2012 года пратэрмінаваная дэбіторская запазычанасць прадпрыемстваў і арганізацый склала Br16,3 трлн, гаворыцца ў паведамленні Нацыянальнага статыстычнага камітэта рэспублікі (Белстата), размешчаным на сайце ведамства.

Там адзначаецца, што ў параўнанні з пачаткам года пратэрмінаваная дэбіторская запазычанасць вырасла на 40%, у тым ліку за кастрычнік - на 2%. У параўнанні з 1 лістападам 2011 года пратэрмінаваная дэбіторская запазычанасць павялічылася на 35,5%.

Удзельная вага пратэрмінаванай дэбіторскай запазычанасці ў агульным аб'ёме дэбіторскай запазычанасці склала 11%.

У агульным аб'ёме пратэрмінаванай дэбіторскай запазычанасці на долю арганізацый прамысловасці прыпадала 44%, арганізацый гандлю; па рамонце аўтамабіляў, бытавых вырабаў і прадметаў асабістага карыстання - 30,5%, будаўніцтва - 9,6%, па аперацыях з нерухомай маёмасцю, арэндзе і прадастаўленні паслуг спажыўцам - 6,9%, сельскай гаспадарцы - 3,9%.

Дэбіторская запазычанасць на 1 лістапада 2012 года склала Br147,9 трлн і ў параўнанні з 1 лістапада 2011 года вырасла на 47,1%. У параўнанні з пачаткам года яна павялічылася на 38,2%, у тым ліку за кастрычнік - на 0,9%.