banner1 banner1 banner1

17.12.2012

Лукашэнка: Кіраўніцтва «Беллегпрама» выгнаць да вечара важная навіна 318

12:37, — Палітыка

Лукашэнка: Кіраўніцтва «Беллегпрама» выгнаць да вечара

Дыктатар звольніў старшыню канцэрна «Беллегпрам» і яго намесніка.

На чале прадпрыемства «Камволь» Лукашэнка паставіў яго галоўнага інжынера Віктара Гаўрыленку, даручыўшы да Новага года ўнесці прапановы па кандыдатуры новага кіраўніка канцэрна «Беллегпрам».

«Кіраўніка канцэрна і яго намесніка выгнаць да вечара з працы. І да Новага года ўнесці прапановы аб новым старшыні канцэрна», - заявіў Лукашэнка, наведваючы ў панядзелак ААТ «Камволь», піша «Інтэрфакс».

«Тое, што я тут убачыў, - гэта злачынная безадказнасць, - падкрэсліў Аляксандр Лукашэнка. - Ну як жа так: пабітае шкло і жанчыны працуюць?! Тут і Ладуцька хадзіў, і Сямашка, і Мясніковіч. Гэта злачынства! І яно караецца».

Звяртаючыся да Віктара Гаўрыленкі, дыктатар адзначыў, што гэта яго шанец аднавіць прадпрыемства. «Не зробіш - пасаджу! Прабач, што я так кажу, але выбару няма. Але я не хачу, каб ты сядзеў. Ты мне патрэбен тут як дырэктар, і ты павінен зрабіць гэта прадпрыемства, павінен па-гаспадарску разабрацца, як будзе ісці мадэрнізацыя», - сказаў ён.

Беларускі кіраўнік таксама прыгразіў адстаўкай кіраўніцтву ўрада, апошні раз папярэдзіўшы прэм'ер-міністра Міхаіла Мясніковіча і яго першага намесніка Уладзіміра Сямашку.

«Вам з Мясніковічам апошні званок», - заявіў Лукашэнка, звяртаючыся да Сямашкі. «Мне апраўданняў не трэба. Я сюды не за апраўданнямі прыехаў, я добра ведаю, што адбываецца на «Камволі», - адзначыў ён.

Наведваючы ААТ «Камволь», Лукашэнка таксама назваў Міжнародны валютны фонд палітычнай арганізацыяй і заявіў, што не разлічвае на новую праграму супрацоўніцтва з фондам.

«Жылі мы без МВФ, і будзем жыць. Спакойна, не трэба асабліва хвалявацца, што мы абрынемся. Не абрынемся, як камусьці гэтага хацелася б», - заявіў Лукашэнка журналістам.

Як адзначыў кіраўнік, «МВФ - гэта палітычная арганізацыя». «Таму яны (МВФ - ІФ) кажуць, раяць. Дзесьці мы слухаем, нейкая доля справядлівай крытыкі, нармальныя прапановы ёсць - мы выкарыстоўваем. Але жыць мы будзем сваімі мазгамі, мы зробім усё самі», - сказаў Лукашэнка.

«Дапаможа нам МВФ - дзякуй. Дапамаглі невялікім крэдытам, мы ім сказалі дзякуй, абслугоўваем (крэдыты - ІФ), своечасова вернем. Не дапамогуць - абыдземся без іх», - заявіў беларускі дыктатар.

Лукашэнка пракаментаваў таксама прапановы МВФ аб неабходнасці правядзення структурных рэформаў у беларускай эканоміцы. «Гэта структурныя рэформы, але ў інтарэсах тых, хто трымае МВФ. Ім было б лепш, калі б мы гэтыя прадпрыемствы распрадалі. Не важна каму, нават, можа быць, грамадзянам Беларусі.

Яны купяць у нашых грамадзян (акцыі - ІФ) за бутэльку, яшчэ за нешта», - адзначыў ён.

Паводле яго слоў, «нас хочуць падзяліць, хочуць, каб мы хутка прадалі». «А МВФ будзе працаваць у інтарэсах Захаду, Амерыкі. Гэта нармальна для іх, а для нас нармальна, калі гэта будзе нармальна для беларусаў, і ў гэтым ключы я буду дзейнічаць, чаго б мне не каштавала», - заявіў Лукашэнка.

Пры гэтым ён падкрэсліў: «я - беларускі прэзідэнт, а не кіраўнік МВФ або падручны ЗША, ці Еўразвяза». «Я - беларускі прэзідэнт, ім і застануся», - заявіў Лукашэнка.


Навіны
па тэме


Напісаць каментар (318)

Падзяліся!






Учора на сайце:

наведвальнікаў 339501
праглядаў 1804933

Папулярныя навіны

Российский политолог: Путин принял решение по Донбассу (89143)

30.03, 12:19, — Украіна

Дзень Волі ў Менску: Мы - еўрапейцы (Відэа, онлайн) (82140)

25.03, 14:45, — Палітыка

Лукашэнка прамахнуўся з крэдытам (48577)

30.03, 10:36, — Эканоміка

Портнікаў: Пуцін разыграе карту «сыход з Данбаса» (45425)

24.03, 12:03, — Украіна

В США рассказали, за какое оскорбление Путин мстит Украине и миру (43243)

28.03, 21:01, — Украіна

Беларускія ўлады гатовыя прыцягваць да крымінальнай адказнасці ўладальнікаў сайтаў і каментатараў (41774)

26.03, 7:05, — Палітыка

Березовец: Порошенко взял паузу. Он решает, что делать дальше (37280)

24.03, 17:35, — Украіна

Российский политолог рассказала о следующем шаге Кремля в Украине (36895)

25.03, 15:50, — Украіна

9 дней по Януковичу-младшему: родные не пришли (36116)

30.03, 10:48, — Украіна

Міхалкоў прапануе браць з беларусаў падатак за доступ у інтэрнэт (34091)

25.03, 15:22, — Грамадства

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: