banner1 banner1 banner1

19.12.2012

Брытанскія зоркі патрабуюць ад Кэмерана звярнуць увагу на Беларусь важная навіна 17

14:38, — Палітыка

Брытанскія зоркі патрабуюць ад Кэмерана звярнуць увагу на Беларусь

Вядомыя брытанскія акцёры запісалі відэазварот да прэм'ер-міністра краіны Дэвіда Кэмерана.

У ім Джаана Ламлі, Сэм Уэст, Ральф Файнс, Алан Рыкман, Марк Райланс, Цім Райс, Аджоа Андо і Сайман Кэлоў падкрэсліваюць цяжкае становішча палітычных зняволеных, якія ўтрымліваюцца самадзяржаўным рэжымам беларускага дыктатара <>bАляксандра Лукашэнкі, піша брытанская газета Guardian (пераклад - charter97.org) .

Гэтая ініцыятыва была арганізаваная Беларускім Свабодным тэатрам у рамках кампаніі Free Belarus Now. Яна прымеркаваная да другой гадавіны сфальсіфікаваных выбараў 2010 года, якія скончыліся захаваннем улады Лукашэнкі і арыштам тысячы мірных дэманстрантаў.

«Улады не хочуць прызнаваць тое, што ёсць нейкія палітычныя зняволеныя, - кажа Наталля Каляда, сузаснавальнік тэатра. - Яны выкарыстоўвалі розныя падставы для арыштаў, напрыклад абвінавачванні ў хуліганстве. Сёння ў турмах Беларусі ёсць яшчэ 14 палітвязняў. Яны і іх сем'і застаюцца заложнікамі апошняй дыктатуры Еўропы».

Тэатральная трупа, акрамя артыстычнай працы, займаецца распаўсюджваннем інфармацыі аб тым, што адбываецца ў Беларусі. «Гэта вельмі смелая каманда», - сказаў іх даўні прыхільнік Том Стопард.

Ральф Файнс падкрэслівае выпадкі Зміцера Дашкевіча і Паўла Севярынца, якія былі затрыманыя ў 2010 годзе і прызнаныя Amnesty International вязнямі сумлення.

«Сёння я звяртаюся да Дэвіда Кэмерана, прэм'ер-міністра маёй краіны для таго, каб выкарыстоўваць сілу маралі ў палітыцы, разбурыць сон сумлення і запатрабаваць ад апошняга дыктатара Еўропы Аляксандра Лукашэнкі пакласці канец катаванням свайго народа і вызваліць палітычных зняволеных да новага года», - сказаў ён.

Нягледзячы на перашкоды, Беларускі Свабодны тэатр працягвае працаваць, падвяргаючыся вялікай небяспецы і працуючы падпольна ў Беларусі. Наталля Каляда і яе муж Мікалай Халезін узначальваюць яго, знаходзячыся ў выгнанні. Зараз яны жывуць у Велікабрытаніі. У траўні тэатр паставіў «Караля Ліра» на беларускай мове ў шэкспіраўскім тэатры «Глобус». У наступным годзе яны пакажуць сваю новую пастаноўку «Трэш-кухня» у тэатры «Young Vic».

Том Стопард сказаў, што сітуацыя ў Беларусі змрочная, і Еўразвяз павінен рабіць больш. «Дэмакратыі павінны спрабаваць рабіць дэмакратыю заразнай, - кажа ён, дадаючы, што захоплены тэатрам. - Яны спрабуюць нагадаць свету, што праблема Беларусі не знікла, а пагоршылася».

«Тое, што было верным у часы камунізму, верна і ў выпадку з беларускай дыктатурай. Менавіта гэтая публічнасць з'яўляецца, безумоўна, стрымліваючым фактарам для тых людзей, якія хацелі б мець развязанымі свае рукі ў барацьбе з іншадумствам. Той факт, што гэта становіцца навінамі зноў і зноў - надзвычай важны».

Ініцыятыва аб захаванні гісторый людзей, якія падвяргаюцца пераследам, дае маральную падтрымку, лічыць ён: «Гаворка ідзе пра тое, каб даць людзям магчымасць ведаць, што яны не аддадзеныя забыццю».

Роўна год таму быў апублікаваны маніфест артыстаў з заклікам да свабоды слова ў Беларусі. Яго падпісалі Tом Стопард, Ай Вэйвэй і Вацлаў Гавел.

Ірына Багданава, лідэр кампаніі Free Belarus Now, распавяла аб новай ініцыятыве:

«Я лічу, што часам тое, што не могуць зрабіць палітыкі, могуць зрабіць людзі, якіх гэта сапраўды турбуе. Я магу спадзявацца, што голас мастацкай эліты Велікабрытаніі дасць моцны сігнал ураду і падштурхне палітыкаў да дзеянняў.

Пасланні, якія зыходзяць з іх сэрцаў не могуць застацца незаўважаным. Я хачу, каб цуд адбыўся і для палітычных зняволеных, каб яны разам са сваімі блізкімі святкавалі Новы год».



Напісаць каментар (17)

Падзяліся!






Учора на сайце:

наведвальнікаў 258383
праглядаў 1315728

Папулярныя навіны

Дзень Волі ў Менску: Мы - еўрапейцы (Відэа, онлайн) (81622)

25.03, 14:45, — Палітыка

У Дзярждуме заклікаюць увесці войскі ва Украіну (45680)

24.03, 11:15, — Украіна

Эксперт: Стратегия Путина в отношении Украины изменилась, и он перешел к плану «Б» (45049)

23.03, 16:45, — Украіна

Портнікаў: Пуцін разыграе карту «сыход з Данбаса» (44407)

24.03, 12:03, — Украіна

Беларускія ўлады гатовыя прыцягваць да крымінальнай адказнасці ўладальнікаў сайтаў і каментатараў (40721)

26.03, 7:05, — Палітыка

Кангрэс ЗША прыняў рэзалюцыю аб пастаўках зброі Украіне (39709)

24.03, 8:02, — Украіна

Березовец: Порошенко взял паузу. Он решает, что делать дальше (37043)

24.03, 17:35, — Украіна

Российский политолог рассказала о следующем шаге Кремля в Украине (36388)

25.03, 15:50, — Украіна

В США рассказали, за какое оскорбление Путин мстит Украине и миру (35818)

28.03, 21:01, — Украіна

Вчерашние похороны Януковича породили новые загадки (35663)

24.03, 10:45, — Украіна

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: