banner1 banner1 banner1

19.12.2012

Саннікаў у The Times: Вызваліць вязняў апошняга дыктатара Еўропы важная навіна 28

16:07, — Палітыка

Саннікаў у The Times: Вызваліць вязняў апошняга дыктатара Еўропы

Артыкул лідэра «Еўрапейскай Беларусі» 19 снежня апублікавала брытанская газета The Times.

Прыводзім яго тэкст цалкам (пераклад charter97.org).

Роўна два гады таму разам з дзесяткамі тысяч маіх суайчыннікаў-беларусаў у Менску я патрабаваў павагі нашых правоў, у першую чаргу - нашага права выбіраць свой урад. У той дзень я быў кандыдатам у прэзідэнты на «выбарах» і супрацьстаяў Аляксандру Лукашэнку, шырока вядомаму як апошні дыктатар Еўропы.

Сутыкнуўшыся з такім жа масавым негвалтоўным пратэстам, як і тыя, якія прывялі да падзення многіх дэспатаў у гэтым стагоддзі, рэжым адказаў адразу ж. Як у сцэне з еўрапейскага мінулага міліцыя напала на мірных дэманстрантаў. Я быў жорстка збіты. Сотні людзей, у тым ліку мая жонка і іншыя кандыдаты ў прэзідэнты былі арыштаваныя.

Мяне кінулі ў «амерыканку» - сумна вядомую турму сакрэтнай службы, якая па-ранейшаму завецца КДБ. Міліцыя пашкодзіла мне нагу, але турэмшчыкі не аказвалі медыцынскай дапамогі. Мой фізічны стан пагаршаўся з-за зневажальных ператрусаў з распрананнем, якія праходзілі ў халодных камерах. Ціск працягваўся, мяне кідалі з турмы ў турму для таго, каб ізаляваць ад знешняга свету.

Хоць большасць дэманстрантаў былі вызваленыя на працягу некалькіх тыдняў, некаторым з нас, у асноўным журналістам, актывістам і апазіцыйным кандыдатам у прэзідэнты, былі прад'яўленыя абвінавачванні ў падбухторванні да беспарадкаў або ўдзелу ў іх. За ажыццяўленне сваіх правоў я быў прысуджаны да пяці гадоў турэмнага зняволення. У красавіку гэтага года, пасля 16 месяцаў турмы, быў вызвалены і вымушаны прасіць палітычнага прытулку ў Велікабрытаніі.

Мая жонка, журналістка Ірына Халіп, атрымала тэрмін у выглядзе двух гадоў пазбаўлення волі з адтэрміноўкай. Нягледзячы на заявы Лукашэнкі аб тым, што яна можа свабодна прыехаць да мяне, міліцыя па-ранейшаму не дазваляе ёй з нашым сынам выехаць з Менска. У дачыненні да яе дзейнічае каменданцкая гадзіна, да яе рэгулярна позна ўначы прыходзяць супрацоўнікі праваахоўных органаў, што палохае нашага сына.

Улады Беларусі працягваюць утрымліваць палітзняволеных, у тым ліку праваабаронцу Алеся Бяляцкага, Мікалая Статкевіча, які ўжо адбыў два гады турэмнага зняволення з шасцігадовага тэрміну, які яму далі за ўдзел у дэманстрацыі пасля выбараў, і моладзевага лідэра Зміцера Дашкевіча. Гэтыя адважныя людзі - толькі некаторыя з 14 палітычных зняволеных у Беларусі, якіх сёння трымаюць у невыносных умовах за кратамі.

Пасля жорсткага разгону дэманстрацыі 2010 года ў дачыненні да рэжыму былі ўведзеныя мяккія санкцыі, але гэтага недастаткова. Сёння, праз два гады пасля гэтага зверства, я заклікаю нашых суайчыннікаў-еўрапейцаў рабіць усё, што неабходна для таго, каб дамагчыся вызвалення вязняў сумлення. Падобная жорсткая дыктатура ў Еўропе - ганьба для ўсяго дэмакратычнага свету. Беларусы заслугоўваюць лепшага. Нам патрэбная ваша дапамога і салідарнасць.

Андрэй Саннікаў - апазіцыйны беларускі палітык і былы дыпламат.



Напісаць каментар (28)

Экспарт




Курсы валют Нацыянальнага банка

Валюта  21.12.14  22.12.14
EUR13 320,0013 320,00
USD10 900,0010 900,00
RUB187,00187,00



Учора на сайце:

наведвальнікаў 254892
праглядаў 1335395

Папулярныя навіны

«Черная пятница» в Беларуси: Курс доллара - 14 150, евро - 17 400 (244631)

19.12, 12:33, — Эканоміка

Паніка ў Расеі: еўра вырас да 100 рублёў, даляр - да 80 (104485)

16.12, 15:43, — Эканоміка

Леанід Злотнікаў: Сапраўдная дэвальвацыя адбудзецца бліжэйшымі днямі (84097)

20.12, 8:25, — Эканоміка

Лукашэнка: Не трэба ахаць і вохкаць, рыхтуйцеся да Новага года і Калядаў (79908)

19.12, 14:55, — Грамадства

Фотафакт: «Зялёныя чалавечкі» у Менску (77905)

18.12, 18:52, — Палітыка

Доллар подскочил до Br11 500, в обменниках нет валюты (72196)

18.12, 16:08, — Эканоміка

Расея можа папрасіць Лукашэнку пакінуць пасаду (66520)

18.12, 15:51, — Палітыка

ААЦ закрыў папулярны сайт onliner.by (64363)

20.12, 17:52, — Палітыка

Российский политолог: Путин принял решение по Донбассу (57837)

17.12, 11:08, — Украіна

Политолог: У Путина началась агония. В бешенстве он может начать наступление на Киев (53294)

15.12, 22:09, Олег Соскин, kyiv.osp-ua.info — Украіна

пн аў ср чц пт сб нд
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: