banner1 banner1 banner1

20.12.2012

Намеснік Ладуцькі абвінавачвае спецслужбы важная навіна 58

16:50, — Палітыка

Намеснік Ладуцькі абвінавачвае спецслужбы

Ігар Васільеў заявіў пра ціск спецслужбаў і адмовіўся даваць паказанні.

Менскі абласны суд сёння пачаў разгляд крымінальнай справы па абвінавачванні былога намесніка старшыні Менгарвыканкама Ігара Васільева ў здзяйсненні злачынства па ч.3 арт.430 Крымінальнага кодэкса Беларусі (атрыманне хабару асобай, якая займае адказнае становішча, у асабліва буйным памеры), санкцыя якой прадугледжвае пакаранне да 15 гадоў пазбаўлення волі з канфіскацыяй маёмасці, піша «Ежедневник».

Па версіі абвінавачвання, якая была агучаная ў судзе, Васільеў вымагаў 500 тысяч даляраў у чэшскага інвестара за спрыяльнае вырашэнне пытання аб пераскладанні інвестдамовы. Яго нібыта затрымалі ва ўласным кабінеце пры атрыманні часткі хабару - 250 тысяч даляраў.

На судзе Васільеў заявіў, што з абвінавачваннем у дадзенай фармулёўцы ён не згодны. Чыноўнік адмовіўся даваць паказанні да таго часу, пакуль суд не разгледзіць матэрыялы следства і не выслухае сведак.

Дзяржабвінаваўца прапанаваў пачаць судовае пасяджэнне з зачытвання тых паказанняў, якія Васільеў даў падчас следства.

З іх вынікае, што каля паўтары гадоў таму да яго звярнуліся прадстаўнікі чэшскай фірмы, якая была зацікаўленая ў будаўніцтве смеццеперапрацоўчага завода пад Менскам. Яны распавялі чыноўніку, што выкарыстоўваюць плазменную тэхналогію, якая з'яўляецца самым сучасным спосабам смеццеперапрацоўкі.

Васільеў тлумачыў падчас следства: «Сусветныя тарыфы на перапрацоўку адной тоны адходаў - 35 даляраў і вышэй. У Беларусі тарыф - 10 даляраў, таму замежныя інвестары не зацікаўленыя будаваць тут падобныя прадпрыемствы». А таму, на думку намесніка старшыні, у прапанове чэшскай фірмы горад быў зацікаўлены.

У 2011 годзе інвестдамова была падпісаная. Паводле яе ўмоў, кошт перапрацоўкі адной тоны ТБО на працягу першых трох гадоў павінен быў скласці 10 даляраў, далей - штогадовае павелічэнне на 25% да 35 даляраў. Будаваць планавалі ў Вялікім Трасцянцы пад Менскам.

Аднак з надыходам 2012 года будаўніцтва так і не пачалося. Менгарвыканкам меў права скасаваць дамову. З інвестарамі Васільеў некалькі разоў сустракаўся для перамоваў. Кіраўніцтва чэшскай фірмы пераконвала чыноўніка, што будаўніцтва неўзабаве пачнецца, і прапаноўвала перагледзець дамову. У адну з такіх сустрэч прадстаўнік чэшскай фірмы па прозвішчы Ананьеў паведаміў, што кіраўнікі фірмы з Чэхіі перадалі яму сувенір.

Васільеў пагадзіўся атрымаць сувенір і запрасіў Ананьева з'явіцца да яго ў кабінет 6 ліпеня. Па словах абвінавачанага, прадстаўнік чэхаў зайшоў да яго ў кабінет з чорным партфелем. «Ён спытаў, куды паставіць партфель. Я паказаў рукой на шафу». Адразу пасля візіту Ананьева ў кабінет да намесніка старшыні зайшлі некалькі мужчын, якія прадставіліся работнікамі КДБ. Яны правялі ператрус і знайшлі ў шафе партфель з 250 тысячамі даляраў унутры.

Чыноўнік быў затрыманы, пасля чаго ім была напісаная яўка з павіннай. У дакуменце ён прызнаецца ў атрыманні хабару дзеля вырашэння пытання аб інвестдамове на карысць інвестара. Таксама ён напісаў, што раскайваецца ў зробленым.

Аднак на судзе Васільеў растлумачыў, што яўка з павіннай была ім напісаная пад ціскам спецслужбаў. Яны нібыта сказалі яму, што адвакат будзе прадастаўлены толькі пасля напісання гэтага дакумента, і абяцалі, што ў выпадку напісання яўкі мера стрымання будзе больш лёгкай. Як аказалася, цяпер падпісаная папера гуляе толькі супраць абвінавачанага.

Васільеў не згодны з абвінавачваннем у вымагальніцтве хабару. Паводле яго слоў, гэтае пытанне ў гутарках з інвестарамі не ўздымалася, за выключэннем прапановы Ананьева падарыць «сувенір». Ён тлумачыў падчас следства, што здагадваўся пра тое, што ў пастаўленым яму ў шафу партфелі знаходзяцца грошы, але не ведаў аб памеры сумы.


Навіны
па тэме


Напісаць каментар (58)

Падзяліся!






Учора на сайце:

наведвальнікаў 367647
праглядаў 2332553

Папулярныя навіны

В Москве убит Борис Немцов (Видео) (209508)

28.02, 0:50, — Палітыка

Юрий Фельштинский: В Беларуси возможно устранение Лукашенко по афганскому варианту (105907)

24.02, 9:02, — Інтэрв'ю

Россия на финишной прямой. Включайте секундомер (77049)

28.02, 16:50, Юрий Фельштинский — Меркаванне

У Менску джыпу са сцягам Наваросіі прабілі колы (74150)

25.02, 15:44, — Грамадства

Более 50 тысяч москвичей вышли на Марш памяти Бориса Немцова (Видео) (66593)

1.03, 12:57, — Палітыка

14 вопросов о смерти Немцова (65735)

2.03, 10:55, Андрей Илларионов — Палітыка

Першы дзень указа №222: прадпрымальнікі гатовыя выйсці на плошчу (57335)

2.03, 8:19, — Грамадства

Момант забойства Нямцова зняла камера відэаназірання (55725)

28.02, 22:56, — Расія

У Данбасе знікла найноўшая расейская ўстаноўка сакрэтнай сувязі (55366)

25.02, 11:47, — Украіна

Параўнанне коштаў: колькі цяпер каштуюць прадукты ва Украіне і Беларусі? (54862)

25.02, 12:03, — Грамадства

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: