Расея абвергла Лукашэнку: дамоўленасці па нафце няма
133
17:44, — Палітыка
Мінэнерга Расеі абвергла заявы Лукашэнкі аб пастаўках ў 2013 годзе ў Беларусь 23 млн т нафты.
«Інфармацыя аб дасягненні дамоўленасці аб пастаўках 23 млн тон расейскай нафты ў Рэспубліку Беларусь у 2013 годзе не адпавядае рэчаіснасці. На сённяшні дзень пагадненне аб аб'ёмах паставак у Рэспубліку Беларусь расейскай нафты ў 2013 годзе не падпісана», - гаворыцца ў паведамленні расейскага Мінэнерга, піша «Інтэрфакс».
«Прапанова расейскага боку - пастаўка ў Рэспубліку Беларусь 18,5 млн тон нафты. Пастаўкі нафты ў першым квартале 2013 года будуць ажыццяўляцца зыходзячы з прапанаванага аб'ёму», - адзначаецца ў паведамленні прэс-службы міністэрства энергетыкі Расеі.
Як заявіў у пятніцу Лукашэнка, дасягнутая дамоўленасць ў пастаўцы ў наступным годзе ў Рэспублiкi 23 млн т нафты.
«Нам трэба 23 млн тон, яны давалі 19 млн па балансе. Праўда, дамовіліся на 23 млн, нафту мы атрымаем без праблем», - заявіў А.Лукашэнка, сустракаючыся з выкладчыкамі і студэнтамі Беларускага дзяржаўнага ўніверсітэта інфарматыкі і радыёэлектронікі.
Беларускі кіраўнік падкрэсліў: «Па нафце праблем няма».
«Калісьці Расея нам адмовілася пастаўляць патрэбную колькасць нафты. Я яе знайшоў у Венесуэле, у Азербайджане», - сказаў Лукашэнка. Пры гэтым ён прызнаў, што «гэта было для нас менш даходна».
Сёння, паводле яго слоў, няма неабходнасці ў пошуку нафты, «таму што мы з расейцамі дамовіліся».
Напісаць каментар (133)
Навіны
па тэме
- Дыктатар папрасіў «недарагіх грошай»
- Пуцін і Лукашэнка ні пра што не дамовіліся?
- Лукашенко и Путин поговорили о нефти
Экспарт
Новости партнеров
