Guardian: Сірыйскія СПА абслугоўваюць расейскія спецыялісты
55- 24.12.2012, 12:25
Масква накіравала ў Сірыю ваенных спецыялістаў для абслугоўвання пастаўленых сродкаў СПА і навучання мясцовага персаналу.
Пра гэта піша ў панядзелак брытанская газета Guardian.
Неназваныя крыніцы пацвердзілі, што ў Сірыі знаходзяцца расейскія ваенныя спецыялісты ў сферы СПА, паведамляе «Інтэрфакс».
Прысутнасць расейскіх ваенных дарадцаў азначае, што любая ваенная аперацыя ЗША і іншых заходніх краін у дачыненні да Сірыі можа прывесці да страт сярод рускіх, што пагражае сур'ёзнымі дыпламатычнымі наступствамі.
Выданне таксама нагадвае, што ЗША, Велікабрытанія, Францыя і Турцыя раней папярэдзілі Дамаск, што любое прымяненне ім хімічнай зброі пацягне за сабой ваенную аперацыю супраць Сірыі.