banner1 banner1 banner1

27.12.2012

Кадэтаў муштруюць для «ранішніка» з Лукашэнкам 81

15:45, — Палітыка

Кадэтаў муштруюць для «ранішніка» з Лукашэнкам

Навучэнцам даслалі пытанні, якія будзе задаваць дыктатар, і тое, што яны павінны адказваць.

У Менскім абласным кадэцкім вучылішчы, якое знаходзіцца ў Слуцку, 28 снежня чакаюць Лукашэнку. Па словах навучэнцаў, кіраўнік прабудзе каля сарака хвілін, але рыхтуюцца да яго візіту цэлы месяц.

З-за рэпетыцый удзельнікам балю скарацілі колькасць урокаў і падоўжылі чвэрць.

- Вакацыі ў нас перанеслі з 23 на 29 снежня, - падзяліліся навучэнцы.

Як распавялі «Салідарнасці» юныя кадэты, да навагодняга балю ў будынку зрабілі рамонт, на тэрыторыі вучылішча - новая плітка і ліхтары. А ў самой навучальнай установе з'явіўся новы клас з кампутарамі. Сюды павінны прывесці Лукашэнку, каб ён мог пагутарыць з вучнямі, якія лепш усіх валодаюць замежнымі мовамі.

- А Лукашэнка ведае замежныя мовы?

- Напэўна, - бянтэжыцца кадэт.

Спецыяльна да візіту Лукашэнкі для навучэнцаў пашылі касцюмы і бальныя сукенкі за дзяржаўны кошт. А вось прычоскі дзяўчынкам прыйдзецца рабіць за свой.

- Да нас павінен быў прыехаць цырульнік з Менска, але чамусьці ўсё адмянілася. Дзяўчынкам далі заданне купіць лакі, пенкі, гелі, невідзімкі, шпількі. Цяпер яны трэніруюцца рабіць прычоскі.

Па падліках навучэнцаў, прычоска абыйдзецца кадэтцы прыкладна ў дзвесце тысяч рублёў. Не ва ўсіх выхаванцаў вучылішча ёсць бацькі. Некаторых выхоўваюць бабулі або іншыя сваякі, якім і прыйшлося ўзяць на сябе гэтыя траты.

Маштабны рамонт вучылішча і выдаткі на прычоскі слуцкім кадэткам здаюцца дробяззю ў параўнанні з тым, як рыхтаваліся да сустрэчы з Лукашэнкам у іншых рэгіёнах: каровам фарбавалі капыты, у паляўнічых забіралі стрэльбы і нават адстрэльвалі галубоў.

- Пакуль невядома, ці прыедзе ён з малодшым сынам, - распавядае іншы выхаванец кадэцкага вучылішча. - Але дзяўчынка рэпеціруе вальс, каб з Колем танцаваць.

- А як яе выбіралі? Быў нейкі кастынг?

- Нічога не ведаю, - кажа суразмоўца. - А вось з кіраўніком будзе танцаваць дзяўчынка з Віцебскай вобласці. Усе хвалююцца, а раптам Лукашэнка яе спытае і даведаецца, што яна не з Менскай вобласці. Што тады?

Але мяркуючы па размове з кадэтамі з іншых класаў, ніякіх экспромтаў падчас візіту Лукашэнкі не чакаецца: усё пройдзе па сцэнары.

- Нам даслалі пытанні, якія ён будзе задаваць, - распавядаюць падлеткі. - І нашыя адказы таксама.


Навіны
па тэме


Напісаць каментар (81)

Падзяліся!






Учора на сайце:

наведвальнікаў 328079
праглядаў 1912470

Папулярныя навіны

Дзень Волі ў Менску: Мы - еўрапейцы (Відэа, онлайн) (79246)

25.03, 14:45, — Палітыка

«Перадсмяротныя хрыпы даляра» - новы «шэдэўр» расейскай прапаганды (Фота) (65403)

22.03, 15:10, — У свеце

СМИ: Сын Януковича утонул на Байкале (55466)

22.03, 13:50, — Палітыка

Жыхары аграгарадка пад Магілёвам пагражаюць Лукашэнку Майданам (50175)

22.03, 9:55, — Грамадства

У Дзярждуме заклікаюць увесці войскі ва Украіну (44229)

24.03, 11:15, — Украіна

Эксперт: Стратегия Путина в отношении Украины изменилась, и он перешел к плану «Б» (43175)

23.03, 16:45, — Украіна

Как «историю» России разнесли в пух и прах (42303)

21.03, 12:04, Леонид Моряков — Меркаванне

Портнікаў: Пуцін разыграе карту «сыход з Данбаса» (42012)

24.03, 12:03, — Украіна

Кангрэс ЗША прыняў рэзалюцыю аб пастаўках зброі Украіне (39193)

24.03, 8:02, — Украіна

Березовец: Порошенко взял паузу. Он решает, что делать дальше (36418)

24.03, 17:35, — Украіна

пн аў ср чц пт сб нд
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: