Звольненыя дырэктары МТЗ і МАЗа
122
13:04, — Палітыка
(абноўлена) Лукашэнка ў пятніцу разгледзеў кадравыя пытанні.
Лукашэнка звольніў Аляксандра Бароўскага з пасады дырэктара МАЗа і Аляксандра Пухавога з пасады дырэктара МТЗ. Кіраўнік таксама даў згоду на прызначэнне новых кіраўнікоў ААТ «Менскі аўтамабільны завод» і дзяржпрадпрыемства «Менскі трактарны завод», паведамілі агенцтву «Інтэрфакс-Захад» у прэс-службе беларускага дыктатара.
Так, ён даў згоду на прызначэнне генеральным дырэктарам МАЗа Віктара Асноўскага, генеральным дырэктарам МТЗ - Уладзіміра Валчка.
Лукашэнка таксама даў згоду на прызначэнне Аляксандра Камко генеральным дырэктарам ВА «Гомсельмаш» - дырэктарам дзяржпрадпрыемства «Гомельскі завод сельскагаспадарчага машынабудавання «Гомсельмаш».
Ён пагадзіўся з прызначэннем Сяргея Гунько на пасаду генеральнага дырэктара ВА «Віцязь» - генеральнага дырэктара ААТ «Віцязь».
Лукашэнка таксама даў згоду на прызначэнне Міхаіла Сучкова старшынёй канцэрна «Беллегпрам», паведамілі ў прэс-службе кіраўніка.
Дыктатар пагадзіўся з прызначэннем Святланы Лебедзевай на пасаду рэктара Беларускага гандлёва-эканамічнага ўніверсітэта спажыўкааперацыі.
Лукашэнка таксама прызначыў Віталя Дзераха намеснікам старшыні Камітэта дзяржаўнага кантролю, Ігара Прашко старшынёй Магілёўскага абласнога суда, Аляксандра Агароднікава намеснікам міністра прамысловасці; Яўгена Рагачова першым намеснікам міністра транспарту і камунікацый; Валерыя Стадольніка старшынёй Камітэта дзяржаўнага кантролю Менскай вобласці; Змітра Баско старшынёй Камітэта дзяржаўнага кантролю Брэсцкай вобласці ; Васіля Герасімава старшынёй Камітэта дзяржаўнага кантролю Гродзенскай вобласці; Віктара Банчука першым намеснікам старшыні Гомельскага аблвыканкама; Віктара Трызну намеснікам старшыні Гомельскага аблвыканкама; Андрэя Дамарацкага намеснікам старшыні Менскага гарвыканкама; Міхаіла Сучкова старшынёй Беларускага дзяржаўнага канцэрна па вытворчасці і рэалізацыі тавараў лёгкай прамысловасці.
Напісаць каментар (122)
Экспарт
Новости партнеров
