У Чорным моры затануў расейскі сухагруз
8- 4.12.2012, 16:56
Пра караблекрушэнне паведаміла турэцкае ўпраўленне бяспекі на моры.
Расейскае судна «Волга-Балт 199», якое перавозіла вугаль, патанула ў аўторак каля берагоў Стамбула. На борце сухагруза было 11 украінцаў і адзін расеец. Усе яны лічацца прапаўшымі без вестак. Ратавальнікі вядуць іх пошукі ў Чорным моры ў раёне Шыле, паведамляе тэлеканал НТВ.
Яшчэ адно судна церпіць бедства ў тым жа раёне. Як перадаюць мясцовыя СМІ, яно гэтак жа можа належаць Расеі. На яго борце, па наяўных звестках, знаходзяцца 14 чалавек. З-за паломкі рулявога кіравання, судна зносіць на мель. Выратавальнай аперацыі перашкаджаюць моцны шторм, які разгуляўся на моры. Буксір не можа падысці да 116-метровага судна, каб забраць з яго людзей.