Амністыя - для хабарнікаў і казнакрадаў

Пытанне аб ужыванні амністыі разгледжана ў дачыненні да 14 593 асуджаных, якія адбываюць пакаранне ў месцах пазбаўлення волі.

«Начальнікі папраўчых устаноў закрытага тыпу вынеслі пастановы аб вызваленні ад далейшага адбыцця пакарання 2800 чалавек», - сказалі ў МУС карэспандэнту БелТА.

У дачыненні да 5562 чалавек прынята рашэнне аб скарачэнні тэрміну пакарання на адзін год. Адмоўлена ва ўжыванні амністыі 6230 асуджаным.

Прадугледжваецца вызваленне ад пакарання асуджаных за крадзяжы шляхам злоўжывання службовымі паўнамоцтвамі, за прысваенне або растрату сродкаў, за крадзяжы шляхам выкарыстання кампутарнай тэхнікі, за злачынствы супраць парадку ажыццяўлення эканамічнай дзейнасці, за злоўжыванне ўладай або службовымі паўнамоцтвамі. Але пры гэтым на дзень уступлення закона ў сілу, яны павінны адбыць не менш за адну чвэрць прызначанага тэрміну.