Міліцэйскія «тэатралы» зноў паспрабавалі перашкодзіць спектаклю БСТ
67- 8.12.2012, 19:55
На спектаклі Беларускага свабоднага тэатра ў Менску другі дзень запар прыходзіць міліцыя.
Як паведаміў charter97.org кіраўнік Беларускага Свабоднага тэатра Мікалай Халезін, «як і ўчора прыйшлі супрацоўнікі міліцыі. Спынілі спектакль «Зона маўчання» і перапісалі пашпартныя звесткі ўсіх актораў і гледачоў».
Паводле сведчанняў відавочцаў, на спектаклі сабралася больш за 60 чалавек.
Нагадаем, учора супрацоўнікі міліцыі таксама ўварваліся ў памяшканне, якое арандуе Свабодны тэатр, на падставе таго, што іх выклікалі суседзі. Міліцыянты перапісалі пашпартныя звесткі мэнэджара тэатра Святланы Сугакі і запатрабавалі да сённяшняга дня падрыхтаваць пашпартныя звесткі ўсіх актораў.
Фота: Tvoj_ya
