У Беларусі адцэнзуравалі жарты Урганта (Відэа)

У праграме «Вячэрні Ургант» на расейскім Першым канале вядучы Іван Ургант жартаваў пра Лукашэнку.

Частка сюжэту праграмы была выразаная з эфіру АНТ. Іван Ургант казаў, што першы афіцыйны візіт Уладзімір Пуцін зробіць у Беларусь, і яны ў праграме вырашылі адзначыць гэтую падзею з дапамогай студыйнага ноўтбука і ўпрыгожылі яго фотаздымкам Лукашэнкі, паведамляе «Радыё Свабода».

«Мы ў нашай праграме спрабуем сумясціць усё самае несумяшчальнае. Так блізка адзін да аднаго Лукашэнка і Apple яшчэ ніколі не былі. Тры разы кампутар не хацеў прымаць налепку, але мы выкарысталі сапраўдныя вадкія цвікі», - пажартаваў Іван Ургант.