У Гродне студэнты прыходзяць галасаваць цэлымі групамі

Масавы «загон» студэнтаў на датэрміновае галасаванне зафіксаваны на ўчастку № 13 Гродзенскай-Цэнтральнай акругі № 50.

Гэты ўчастак размяшчаецца ў інтэрнаце Гродзенскага дзяржаўнага медыцынскага каледжа, піша ПЦ «Вясна».

Асноўныя выбаршчыкі на ўчастку № 13 - студэнты розных навучальных устаноў. Галасаваць яны прыходзяць цэлымі групамі. За адзін дзень 19 верасня тут прагаласавала 185 чалавек. А 20 верасня незалежныя назіральнікі зафіксавалі тут факт, калі студэнт браў даведку ва ўчастковай камісіі для прадстаўлення яе ў дэканат сваёй навучальнай установы.