Яўка: лічбы камісій і назіральнікаў разыходзяцца ў разы

Фіксуюцца сур'ёзныя разыходжанні ў падліках колькасці выбаршчыкаў.

У рамках праекта «Назіранне за выбарамі: тэорыя і практыка» 20 верасня на шэрагу выбарчых участкаў для датэрміновага галасавання незалежныя назіральнікі зафіксавалі ўсплёск актыўнасці выбаршчыкаў, піша «Наша Нiва».

На ўчастку № 365 у Фрунзенскай выбарчай акрузе № 101 сталіцы назіральнікі налічылі толькі 21 выбаршчыка. У выніковым жа пратаколе гэтая лічба была ў пяць разоў больш - 115.

На ўчастку № 595 ва Усходняй выбарчай акрузе № 107 Менска, які размяшчаецца ў Політэхнічным каледжы, студэнты ў перапынку паміж заняткамі стварылі чэргі пры галасаванні. За 20 верасня там прагаласавалі 124 чалавекі, а за два папярэдніх дня - удвая менш. Па словах назіральнікаў, кіраваў гэтым працэсам назіральнік ад «Белай Русі», які з'яўляецца і выкладчыкам каледжа.