Цярэшчанка патрабуе правядзення новых «выбараў»

Экс-кандыдат у прэзідэнты заявіў аб фальсіфікацыі «выбараў».

Віктар Цярэшчанка будзе патрабаваць перавыбараў на падставе наяўных у яго распараджэнні доказаў фальсіфікацыі вынікаў галасавання. З такім патрабаваннем ён мае намер звярнуцца ў Цэнтрвыбаркам, а таксама ў Генеральную пракуратуру. Пра гэта экс-кандыдат у прэзідэнты распавёў БелаПАН.

Ён кажа, што ўся выканаўчая ўлада была задзейнічана на перамогу старшыні Шаркаўшчынскага райвыканкама Мечыслава Морхата, які таксама вылучаўся кандыдатам. Да таго ж палітык адзначыў, што яму перашкаджалі ў правядзенні агітацыі.

Цярэшчанка заяўляе, што ў яго ёсць дадзеныя ад членаў участковых камісій аб тым, што выбары былі сфальсіфікаваныя, а таксама аўдыё-і відэазапісы працэсу фальсіфікацыі вынікаў галасавання.

Перавыбары па Шаркаўшчынскай акрузе палітык патрабуе правесці ў адзін дзень галасавання, з 8 да 20 гадзін.