У Беларусі зноў падаражэлі цыгарэты

Усе прадаваныя ў Беларусі маркі цыгарэт падаражэлі на 1.000-2.500 рублёў.

Падаражэнне выкліканае павышэннем ставак акцызаў на тытунёвую прадукцыю. З сённяшняга дня акцызы на танныя цыгарэты павышаюцца ў 2,1 разы, на цыгарэты сярэдняга коштавага сегмента - на 70%, на дарагія - на 55%, перадае БелаПАН.

Папярэдні раз рознічныя кошты на чатыры маркі цыгарэт, якія вырабляюцца ў краіне, былі павышаныя 1 снежня 2012 года на 3,7-5,7%

Згодна з Асаблівай часткай Падатковага кодэкса, з 1 студзеня 2012 года беларускія вытворцы і імпарцёры цыгарэт маюць права штомесяц дэклараваць максімальныя рознічныя кошты на цыгарэты. Раней рознічныя кошты рэгуляваліся Міністэрствам эканомікі.