Леанід Злотнікаў: У 2013 годзе сальда знешняга гандлю будзе адмоўным

Эканаміст Леанід Злотнікаў прагназуе ў новым годзе адмоўнае сальда знешняга гандлю.

Ён адзначыў, што з жніўня 2012 года памесячныя паказчыкі сальда - адмоўныя, піша TUT.by.

Эканаміст таксама звярнуў увагу на тое, што адмоўнае сальда мінулых гадоў складалася, у асноўным, за кошт уключэння пошліны ў кошт нафты, якая пастаўляецца з Расеі. Таму сальда і было на 3 млрд больш, чым цяпер. «У гэтым годзе ў нас «назапасілася "выніковае станоўчае сальда, гэта лепш, чым у мінулым, але яно зніжаецца», - адзначыў Леанід Злотнікаў.

Падстаў для паляпшэння сітуацыі эканаміст не бачыць. Наадварот, адзначае Злотнікаў, намячаецца тэндэнцыя па росту запасаў гатовай прадукцыі ў Беларусі, паколькі пагоршылася сітуацыя на сусветных рынках, у тым ліку ў Расеі, як асноўныга нашага партнёра.

«Сусветныя прагнозы песімістычныя, таму сальда, хутчэй за ўсё, будзе адмоўным», - лічыць эканаміст.

Акрамя таго, паводле яго слоў, стала больш жорсткай канкурэнцыя на расейскім рынку ў сувязі з яе уступленнем у СГА і паступовым развіццём АЭП. Таксама на зніжэнне сальда паўплывае закрыццё экспарту растваральнікаў, які «бурна» развіўся ў 2012 годзе.

Што датычыцца дыверсіфікацыі паставак, то, на думку Злотнікава, правесці яе складана, паколькі на сусветным рынку кошты будуць падаць. Акрамя гэтага, эксперт не бачыць таварных пазіцый, гандаль якімі даў бы рывок у атрыманні значных сродкаў пры іх экспарце на новыя рынкі.

На думку Злотнікава, Беларусь востра мае патрэбу ў рынкавых рэформах - у прыватнасці, уключэнні краіны ў сусветны рынак падзелу працы.

«Нам не трэба адсякаць пастаўкі тых ці іншых тавараў па імпарту, займацца паўсюдным імпартазамяшчэннем і г.д. Трэба ўключыцца ў сусветную ланцужок транснацыянальных кампаній і спецыялізаваць нашу вытворчасць», - лічыць Злотнікаў.

Гэта, дадаў ён, дазволіць мадэрнізаваць вытворчасці і ўкараніць сучасныя тэхналогіі, павысіць эфектыўнасць беларускай эканомікі.