У РПЦ прапанавалі вярнуць падатак на бяздзетнасць

Кіраўнік сінадальнага аддзела ўзаемадзеяння з Узброенымі сіламі і праваахоўнымі органамі Маскоўскага патрыярхату протаіерэй Дзмітрый Смірноў прапанаваў вярнуць падатак на бяздзетнасць і маладзетнасць.

Такую заяву ён зрабіў у эфіры радыёстанцыі «Голос России».

На думку протаіерэя, такі падатак будзе служыць своеасаблівай кампенсацыяй за адсутнасць дзяцей. «Калі ты не хочаш ісці на чын нараджэння дзяцей ... ці не можаш, то паўдзельнічай у гэтым грашыма, невялікім падаткам», - заявіў святар. Каму і калі Смірноў прапаноўваў увесці такі падатак, ён не ўдакладніў, паведамляе Lenta.Ru.

Сабраныя ў якасці падатку грошы святар прапанаваў накіроўваць на падтрымку сем'яў, якім уласнага заробку на выхаванне дзяцей не стае. Смірноў таксама заявіў, што грошы можна даваць і сем'ям-усынаўляльнікам, замест таго каб аддаваць іх у дзіцячыя дамы.

«Трэба той сям'і, рускай сям'і, якая гатовая ўсынавіць дзіцятка, даць гэты мільён за вылікам, дапусцім, ста тысяч. А на гэтыя сто тысяч сабраць спецыяльны апарат, які б сачыў, куды ідуць гэтыя грошы», - заявіў святар, заўважыўшы, што на ўтрыманне дзяцей у дзіцячых дамах распускаюцца вялікія грошы.

Раней з падобнай прапановай выступаў віцэ-спікер Дзярждумы РФ, сакратар генеральнай рады «Адзінай Расеі» Сяргей Нявераў. Ён, у прыватнасці, казаў, што ў некаторых дзіцячых дамах утрыманне аднаго дзіцяці абыходзіцца бюджэту ў 1,2 мільёна рублёў у год, і прапаноўваў плаціць аналагічную суму сем'ям, якія бяруць прыёмнае дзіця.

Падатак на бяздзетнасць або маладзетнасць існаваў у СССР з 1941 года да распаду Савецкага Саюза. Гэты падатак складаў да шасці адсоткаў ад сумы заробку.