banner1 banner1 banner1

11.01.2013

Лукашэнка падыме зарплаты «бедным» чыноўнікам важная навіна 188

13:19, — Палітыка

Лукашэнка падыме зарплаты «бедным» чыноўнікам

Пасля скарачэння ў дзяржапараце павінны застацца «самыя верныя».

Аляксандр Лукашэнка лічыць магчымым у бліжэйшыя паўгода скараціць колькасць дзяржаўных служачых на чвэрць, у дзяржапараце павінны застацца тыя, хто верай і праўдай служыць народу і дзяржаве.

«Тое, што мы павінны скараціцца прыкладна на чвэрць - гэта непазбежна. Давайце з гэтага зыходзіць», - адзначыў Лукашэнка ў пятніцу на нарадзе па пытаннях аптымізацыі структуры, колькасці і функцый дзяржорганаў, перадае «Інтэрфакс».

«Некаторыя кажуць: давайце мы паглядзім на функцыі і паглядзім, як тут скараціць. Не, дарагія, вы скараціцеся на чвэрць, а потым ва ўрадзе, міністэрствах, глядзіце, якія функцыі вы не павінны выконваць», - сказаў Лукашэнка.

Дыктатар лічыць, што неабходна «вызваліцца ад тых, хто стараецца». «Хто стараецца і добра працуе, той павінен застацца ў дзяржаўным апараце. Той, хто верай і праўдай служыць народу і дзяржаве, ён павінен працаваць у дзяржапараце», - заявіў Лукашэнка. Адтуль, па яго словах, «павінны сысці тыя, хто не хоча працаваць, тыя, хто проста не туды патрапіў». «Мы нікога не хочам пакрыўдзіць, гэта не значыць, што калі заўтра будзе прынятае рашэнне, то за суткі мы павінны павыкідваць людзей на вуліцу. Не», - падкрэсліў кіраўнік.

У сувязі з гэтым Лукашэнка прапанаваў «на працягу, дапусцім, паўгода ўладкаваць гэтых людзей на працу». «Вось у чым сутнасць скарачэння, а не ў тым, што мы росчыркам пяра павыкідваем людзей на вуліцу, паламаўшы ім лёсы. Мы не павінны гэтым актам настроіць супраць сябе прыстойную частку грамадства», - растлумачыў ён.

Ён удакладніў, што скарачэнні дзяржслужачых пройдуць і ў адміністрацыі прэзідэнта, і ва ўрадзе. «Гляджу і дзіўлюся: ва ўрадзе і памочнікі, і дарадцы - каго там толькі няма. У прэзідэнта толькі адзін памочнік, які спраўляецца з усёй працай, і ў прыёмнай два чалавекі. Гляджу, у сваіх падначаленых па дзесяць памочнікаў і па дзесяць дарадцаў. Дарагія, чым яны ў вас займаюцца?»- спытаў дыктатар.

Лукашэнка лічыць, што скарачэнне дзяржапарату «лепш рабіць самім, па ўласнай ініцыятыве, а не так, як гэта робіцца ў Грэцыі, Партугаліі». «Гэтага дапусціць нельга, трэба працаваць на апярэджанне», - заявіў кіраўнік.

Разам з тым ён прызнаў, што «у нас недапушчальна нізкая зарплата ў дзяржслужачых». «Гэта проста ніякая зарплата. У нас некаторыя кіраўнікі прадпрыемстваў, якія сядзяць на датацыях, ці ж кіраўнікі, якія, як у народзе кажуць, наогул лыка не вяжуць, атрымліваюць пад 20 мільёнаў рублёў ($2,3 тыс. - ІФ) і яшчэ прэміі сабе налічваюць. А дзяржслужачыя, якія працуюць, і паловы таго не маюць. Недапушчальна нізкая зарплата», - канстатаваў ён.

У той жа час ён адзначыў: «Вы ж разумееце псіхалогію нашага народа». «Я не баюся, што мне давядзецца даваць згоду на павышэнне зарплаты дзяржслужачым. Пры гэтым я стаўлю пытанне: давайце аптымізуем колькасць, каб народ нас разумеў», - сказаў Лукашэнка.

Ён таксама выказаў нязгоду з прапановамі аб прадастаўленні льгот і прывілеяў чыноўнікам, якіх скарачаюць. «Мне тут камісія уносіць прапановы па цэлым шэрагу льгот, прывілеяў і выплат. Ніякіх льгот, прывілеяў і выплат скарочаным не будзе», - заявіў дыктатар. «Якія могуць быць гарантыі, льготы людзям, якія сёння скарачаюцца і не могуць працаваць па сваім стане ў дзяржаўным апараце», - заўважыў Лукашэнка. «Вы павінны будзеце іх уладкаваць на працу. Ёсць людзі, якія не бачаць сябе ў дзяржапараце, ён лепш будзе працаваць у школе, іншых арганізацыях, на вытворчасці. Так яго туды і трэба накіраваць», - заявіў Лукашэнка.


Навіны
па тэме


Напісаць каментар (188)

Падзяліся!




Меркаванне


Дыялог начальніка калоніі з зэкамі

Дыялог начальніка калоніі з зэкамі

Наталля Радзіна

Руки прочь от Беларуси!

Руки прочь от Беларуси!

Дмитрий Дрозд

Хотел как лучше, обманул как всегда!

Хотел как лучше, обманул как всегда!

Анатолий Лебедько

Рыжы

Рыжы

Зміцер Дашкевіч

Танкавы прарыў у мінулае стагоддзе

Танкавы прарыў у мінулае стагоддзе

Уладзімір Халіп



Учора на сайце:

наведвальнікаў 356679
праглядаў 2260308

пн аў ср чц пт сб нд
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

Старая версія сайта

Канстытуцыя Рэспублікі Беларусь:

"Артыкул 34. Грамадзянам Рэспублiкi Беларусь гарантуецца права на атрыманне, захоўванне i распаўсюджванне поўнай, дакладнай i своечасовай iнфармацыi аб дзейнасцi дзяржаўных органаў, грамадскiх аб'яднанняў, аб палiтычным, эканамiчным, культурным i мiжнародным жыццi, стане навакольнага асяроддзя..."

Падпіска

       

Пакіньце Ваш e-mail: